في موبايلات كتيره بتنزل الفتره دي، والناس برده عماله تسأل عن أفضل موبايل للتصوير او أفضل كاميرا في موبايل، والنهارده في المقالة دي هنتكلم عن أفضل هواتف الفئة المتوسطة من ناحية الكاميرات في الفئة المتوسطة من اول 2500 جنية ولحد 3000 جنية والمقالة دي ليك لو انت عاوز تشتري موبايل بالسعر ده يكون بيصور كويس !
مبدأيا بس وخلي بالك كده معايا ان جودة الكاميرا وقدرتها على إنتاج صور كويسه مش بترجع للميجا بيكسل، شوفنا الفتره الأخيره موبايلات بكاميرات وصلت لـ108 ميجا بيكسل لكن لسه موصلش لأعلى Level في التصوير ، فالموضوع بيرجع لحسابات تانيه زي نوع المستشعر وفتحة العدسة وطريقة مُعالجة السوفت وير للصوره، كذا حاجه بتتحكم في جودة الصورة.
1- Redmi Note 8
الموبايل ده مقدرتش ارشحه في مقالة افضل هواتف الفئة المتوسطة عموما عشان الـNote 9 الجديد منه بيقدم مواصفات افضل طبعا ولكن الكاميرا في النوت 8 مستقرة بشكل اكبر من الاخر هتلاقي إن النوت 8 بيتميز بالكاميرات اوي غير إن الموبايل ده محترم جدًا، وهو تقريبًا الموبايل الوحيد اللي بيدعم جوجل كاميرا في الفئة دي بعد الـ Realme 5
الموبايل ده بيجي بـ 4 كاميرات في الضهر والأساسية منهم بدقة 48 ميجا بيكسل وفتحة عدسة F/1.8 والسيلفي بيجي بدقة 13 ميجا بيكسل بفتحة عدسة F/2.0، يمكن الكاميرا الأماميه مش قد كده فيه، بس الموبايل ممتاز وبيطلع صور محترمه جدًا من الكاميرا الخلفيه، خصوصًا مع إستخدام تطبيق جوجل كاميرا.
حرفيًا هتاخد أفضل كاميرا في الفئة السعرية دي، وغير كده كمان الـNote 8 هو افضل موبايل بيصور فيديوهات تحت الـ3000 جنيه، بيصور 4K وبيصور 1080p مع مثبت إلكتروني وجودة الفيديو بتطلع محترمه جدًا، والموبايل ده سعره حوالي 2800 جنيه مصري للنسخة الـ64 جيجا مع 4 جيجا رام ودي النسخة اللي متوفره وتقدر تجيبها بسهولة حاليًا وهي برده أفضل نسخة من حيث السعر والقيمة اللي هتقدمهالك بالسعر ده.
2- Realme 6i
الموبايل ده بيجي بكاميرا خلفيه 48 ميجا بيكسل F/1.8 والكاميرا الأماميه بدقة 16 ميجا بيكسل مع فتحة عدسة F/2.0، الكاميرا الأماميه بتاعت الـRealme 6i احسن حتى من غير جوجل كاميرا، الموبايل ده بيجي بمعالج من ميدياتك ومعالجات ميدياتك مش بتهتم بدعم المطورين برامج زي جوجل كاميرا.
سوفت وير الكاميرا بتاع ريلمي كويس مش وحش، بس للأسف مش بيديلك افضل اداء، يعني لو انت هتقارن سوفت وير ريلمي بسوفت وير شاومي لأ ريلمي هيكسب، بس موضوع Google Camera في النوت 8 هو اللي خلاني احطه في المركز الأول قبل الـ 6i.
وعمومًا الموبايل ده بيدي اداء كاميرات كويس في الفئة السعرية بتاعته وكمان هيديك تجربة استخدام كلية مرضية جدا، هو اللي هرشحهولك لو مش حابب النوت 8 لأي سبب، والـ Realme 6i دلوقتي سعره حوالي 2800 جنيه للنسخة الـ64 جيجا مع 3 جيجا رام.
3- Honor 9X Lite
يمكن انت تعترض بس انا شايف ان الموبايل ده الكاميرا الخلفيه بتاعته كويسه، واللي بتيجي بدقة 48 ميجا بيكسل بفتحة عدسة F/1.8، مقارنتا بالموبايلات التانيه اللي رشحتها فا هي تقدر تبقى في المركز التالت عادي، والـNight Mode هو اقوى ميزة في الموبايل ده، ممتاز جدًا وبيطلع صور مفيش موبايل تاني بيطلعها.
وموبايل Honor 9X Lite مبيدعمش جوجل كاميرا، للأسف معالجات الكيرين من هواوي كلها كده تقريبًا، ويمكن السيلفي بتاع الموبايل ده ضعيف شوية لإنه بيجي بدقة 8 ميجا بيكسل بفتحة عدسة F/2.0، ميقدرش ينافس النوت 8 ولا الـ6i.
الموبايل كلل بيقدم تجربة استخدام يمكن احسن كمان من الريلمي 6i والنوت 8 ولكن متنساش فكرة خدمات جوجل الي مش هتبقا متوفرة معاك، ده بيتوفر بنسخة بمساحة تخزين 128 جيجا مع 4 جيجا رام والمساحه الكبيره دي ميزه فيه، وبرده سعره حوالي 2800 جنيه للنسخة دي.
الموبايل ده بصراحه مكنتش حابب احطه، بيجي برده بنفس الكاميرا السيلفي الـ48 ميجا بيكسل، ممكن اصنفه في المركز الرابع مثلًا بعد الـ9X Lite بس مش هيقدر يتفوق على اي موبايل من الموبايلات اللي فوق دي في الكاميرا الخلفيه.
يمكن يتفوق على الـ9X Lite مثلًا في الكاميرا الأماميه بس بفرق بسيط، يعني في السيلفي ممكن الـInfinix Note 7 يبقى رقم 3 بعد الـ6i، والموبايل ده سعره في المحلات حوالي 2850 جنيه للنسخة الـ128 جيجا مع 6 جيجا رام.
5- Redmi Note 9S
الموبايل ده فعلًا بإستخدام الجوجل كاميرا هيديك اقوى تجربة تصوير وعشان كده سبتو للاخر، حرفيا بينافس معاك لحد سعر 5500 جنيه، فعلا الـ Redmi Note 9S يستحق لقب الأفضل في فئتو حاليا، جوجل كاميرا على الموبايل ده غريبة جدًا وبتطلع نتايج مشوفتش زيها بصراحه.
تصوير الفيديو في الموبايل ده محترم جدًا برده، الموبايل بيصور 4K وبيصور 1080p مع مثبت إلكتروني، والموبايل ده بيجي بنسختين واللي بنرشحها الـ64 جيجا مع 4 جيجا رام بسعر 3050 جنيه في المحلات دلوقتي ، والنسخة الـ128 جيجا مع 6 جيجا رام بتيجي بسعر 3550 جنيه.
كده نكون اتكلمنا عن أفضل هواتف الفئة المتوسطة من حيث الكاميرات لحد سعر 3000 جنيه تقريبا، ان شاء الله فيه كذا موضوع تاني هنتكلم فيه عن الكاميرات لحد 7000 جنيه واكتر كمان ولكن حبيت ابدأ بالفئة دي الأول لانها بتبقا فئة أغلب موبايلاتنا، متنساش تشير المقالة مع كل اصحابك لو استفدت، مع السلامة <3 .
متنساش تتابعنا على صفحةميكسلزعشان يوصلك كل جديد عن الموبايلات والتكنولوجيا بشكل أسرع !
نرجع تاني لموضايع ” أفضل هواتف الفئة الإقتصادية ” الموبايلين اللي هنراجعهم النهاردة من شركة Honor إتعملهم مؤتمر في مصر من شهر وإتعلن عن أسعارهم الي تعتبر رخيصة جدا، ولكن فعليًا هما لسه نازلين السوق من كام يوم، الموبايلات دي هي Honor 9A و Honor 9C، خلينا نشوف مميزات وعيوب كل موبايل فيهم بكل صراحة وهقولك رأيي في السعر برده متقلقش.
مبدأيا بس حابب أوضح إن الموبايلات دي جايه بخدمات هواوي ومفيهاش خدمات جوجل، تقدر تحمل تطبيقاتك من الـApp Gallery، طبعًا الكلام ده لا يسري على البرامج الأساسية لجوجل اللي مش هتقدر تعوضها ولازم بدايل على سبيل المثال الـYoutube Studio، تاني حاجة حابب أتكلم عنها هي خاصية الـNFC اللي ساعات بتكلم عنها في مراجعات الموبايلات، وبإختصار الميزة دي مُهمة جدًا لإن أنت عارف دلوقتي عداد الكهرباء بكارت وشوية وهيبقى عداد المياه كمان بكارت عند الكل وهكذا.
فا بدل ما بتنزل مخصوص تشحن الكارت، من خلال خاصية الـNFC بتقدر تشحن الكارت علطول من موبايلك من غير ما تنزل من البيت، ده غير إنها طريقة أمنة جدًا للدفع الـ لا تلامُسي من غير ما تطلع كارت الفيزا بتاعك، الميزة ديه خلال سنتين مش هتقدر تتعايش من غيرها ولازم تبقى موجودة على كل الموبايلات، الميزة ديه بقى موجودة في الـ 9A والـ 9C، ودول كده يعتبروا من أفضل هواتف الفئة الإقتصادية الي فيها الميزة دي .
1- موبايل Honor 9A
وزي كل مرة بنتكلم فيها عن أي موبايل في قسم التوصيات خصوصا موضايع ” أفضل هواتف الفئة الإقتصادية ” هنتكلم الاول عن مميزاتو ونذكر سعرو ومواصفاتو وأخيرا عيوبو خلونا نتكلم أكتر عن الـ Honor 9A.
مميزات موبايل Honor 9A :-
أول ميزة هي التصميم الشيك، صعب جدا تحس إن ده موبايل بـ2000 جنية، طبعًا من البلاستيك بس بصراحة بلاستيك نظيف وخامات مُحترمة جدا، مفيش بروز كاميرات وكمان في جراب في العلبة، الموبايل مصروف جامد على خاماته الخارجية.
لشاشة نظيفة من ناحية الـQuality، وده باين من سطوعها العالي تحت الشمس، وألوانها الكويسة جدًا اللي ممكن تكون من أفضل الشاشات بالسعر ده من ناحية جودة تباين الألوان، طبعًا كان الافضل تكون FHD+ ولكن تظل ممتازة فعلا بالنسبة لسعرها.
صوت الموبايل عالي جدًا، اعلى من الـHonor 9C الأغلى منه، صوته بجد عجبني جدًا جدًا.
في ميكروفون إضافي لعزل الضوضاء، أيوة دي تعتبر ميزة بالسعر ده علشان في موبايلات تانيه كتير اوي في الفئة دي مفهياش الميكروفون ده.
بطارية ضخمة بتيجي بحجم 5000 مللي أمبير مُحترمة جدا هتكمل معاك 8 ~ 9 ساعات شاشة مفتوحة مستريح جدًا، يعني يوم أو يوم ونص لو إستخدامك خفيف، كويس جدًا.
سعر ومواصفات هاتف Honor 9A
يدعم الراديو الـ Fm والـ NFC .
يأتي الهاتف بأبعاد 159.1×74.1×9 ملم مع وزن 185 جرام .
يأتي الهاتف بخامات ومتانة تصنيع من البلاستيك بالكامل حتى الإطار يأتي من البلاستيك أيضاً .
يدعم الهاتف شريحتين إتصال من نوع Nano Sim .
يدعم شبكات الجيل الثاني الـ 2G والجيل الثالث الـ 3G والجيل الرابع الـ 4G .
يأتي بشاشة IPS بشكل النوتش الـ Water Drop بمساحة 6.3 إنش بجودة الـ HD+ بدقة 720×1600 بكسل بمعدل كثافة بكسلات 278 بكسل وتحتل الشاشة من الواجهة الأمامية نسبة 81.3% مع دعم الشاشة للأبعاد الجديدة بنسبة 20:9 لتقديم محتوى أكبر سواء في تصفح التطبيقات أو مشاهدة الفيديوهات .
يأتي الهاتف بذاكرة صلبة بسعة 64 جيجا بايت من نوع eMMC 5.1 مع ذاكرة عشوائية بسعة 3 جيجا بايت .
كما يدعم الهاتف إمكانية زيادة المساحة التخزينية عن طريق كارت ميموري حتى سعة 256 جيجا بايت .
أما عن الأداء فالهاتف يأتي بمعالج من شركة ميديا تيك من نوع Helio P22 بتكنولوجيا 12 نانو مع معالج رسومي من نوع PowerVR GE8320 فهو نفس معالج هاتف الـ Infinix Note 7 Lite والـ Huawei Y5p .
الكاميرا الخلفية تأتي بكاميرا ثلاثية حيث تأتي الكاميرا الأولى بدقة 13 ميجا بكسل بفتحة عدسة F/1.8 وهي الكاميرا الأساسية للهاتف أما عن الكاميرا الثانية فتأتي بدقة 5 ميجا بكسل بفتحة عدسة F/2.2 وهي الخاصة بالتصوير الواسع أما عن الكاميرا الثالثة فتأتي بدقة 2 ميجا بكسل بفتحة عدسة F/2.4 وهي الخاصة بعمل العزل والبورتريه بالإضافة إلى فلاش أحادي من نوع ليد فلاش .
يدعم الميكروفون الثانوي الخاص بعزل الضوضاء والضجيج أثناء استخدام الهاتف بصفة عامة .
يدعم الهاتف تصوير الفيديوهات بجودة الـ FHD بدقة 1080 بكسل بمعدل التقاط 30 إطار في الثانية كما يدعم التصوير الـ HD بدقة 720 بكسل بمعدل التقاط 30 إطار في الثانية .
يدعم الهاتف البلوتوث بالإصدار الخامس مع دعمه لخاصيتي الـ A2DP, LE .
كما يدعم الواي فاي بترددات الـ b/g/n بالإضافة لدعمه إلى الـ Wi-Fi Direct, hotspot .
يدعم الهاتف تحديد الموقع الجغرافي الـ GPS كما يدعم أنظمة الملاحة الأخرى مثل الـ A-GPS, GLONASS, BDS لتحديد الموقع بنحو أكثر دقة وبسرعة عالية .
وسائل الأمان والحماية: يأتي الهاتف بمستشعر بصمة في ظهر الهاتف كما يدعم خاصية الـ Face Unlock .
بالإضافة لدعمه للمستشعرات الأخرى مثل التسارع والقرب .
يدعم منفذ الـ 3.5 ملم الخاص بسماعات الاذن ويأتي في الأسفل بجوار منفذ الـ USB .
منفذ الـ USB يأتي من النوع القديم الـ Micro USB مع دعمه لخاصية الـ OTG .
يأتي الهاتف ببطارية بسعة 5000 مللي أمبير مع دعمه للشحن بقوة 10 واط .
يأتي الهاتف بنظام تشغيل اندرويد 10 مع واجهة هونر الـ Magic UI 3.0 مع افتقاد الهاتف لخدمات جوجل بشكل رسمي .
يتوفر الهاتف باللون الأزرق والأخضر والأسود .
سعر الهاتف 2300 جنية مصري تحت تسعير أفضل هواتف الفئة الإقتصادية
عيوب موبايل Honor 9A :-
أول عيب المعالج المستخدم ميدياتيك Helio P22 واحنا في أخر 2020، ممكن تتقبل فكرة وجود المعالج ده في موبايل في فئة الـ1000 جنية، إنما 2000 لأ صعب، لإن في موبايلات تانية مُنافسة بمعالجات أقوى بكتير.
الأداء الرسومي بتاع المعالج ضعيف بيشغل ببجي على اقل إعدادات جرافيك وكذلك الحال كول اوف ديوتي، وهتحس بتقطيعات ومش هتتبسط من الأداء الرسومي خالص
الشاحن بيجي بقوة 10 وات ومنفذ الشحن Micro USB 2.0، بس خلينا نتفق إن بالسعر ده المعظم بيجي بنفس قوة الشحن دي وبنفس والمنفذ ده بس برده الكلام ده مش بيعجب بعض الناس، فا كان لازم أذكر الحته دي وطبعًا البطارية علشان كبيرة شوية فا هي بحجم 5000 مللي امبير وهتشحن في 3 ساعات وشوية.
غياب خدمات جوجل، وممكن أعتبرها مش عيب لو انت هتتعايش وتحمل كل البرامج اللي أنت عايزها من برنامج App Gallery زي ما أنا وضحتلك فوق.
الموبايل ده بالنسبة للمنافسين فا هو أضعف حاجه فيه هي المعالج، نقطة مُتأخره جدًا على كل المنافسين، بس بقيت النقط هو يقدر يسد فيها عادي، وأكتر 3 حاجات عجبوني في الموبايل هم الخامات الخارجية النضيفة وجودة التقفيل مع الصوت العالي ودعم الـNFC.
2- موبايل Honor 9C
وزي كل مرة بنتكلم فيها عن أي موبايل في قسم التوصيات هنتكلم الاول عن مميزاتو ونذكر سعرو ومواصفاتو وأخيرا عيوبو خلونا نتكلم أكتر عن الـ Honor 9C.
مميزات موبايل Honor 9C :-
التصميم ألوانه شيك، خامة خارجية بتيجي من البلاستيك بس متينه، ولكن تظل بلاستيك (بصراحة البلاستيك صعب يكون ميزة ولكنه مش عيب).
المعالج كيرن 710A اللي كلكم عارفينه، هو هنا حقق Score قليل شوية على Antutu معرفش ليه، ولكن يظل أداءه معقول، أدائه مش أقل بكتير عن الـG70 والـG80 الموجودين في الفئة السعرية دي.
أداءه الرسومي برده معقول جدًا، ببجي بتشتغل على اعدادات High HD وبتشتغل كويس جدًا، وكول اوف ديوتي بتشتغل برده كويس على المعالج اللي هنا.
الموبايل أكيد فيه بصمة سريعه وFace Unlock سريع، وده من ضمن الحاجات العادية اللي في الموبايل ده.
دعم الـNFC.
سعر ومواصفات هاتف Honor 9C
يدعم الراديو الـ Fm والـ NFC .
يأتي الهاتف بأبعاد 159.81×76.13×8.13 ملم مع وزن 176 جرام .
يدعم شريحتين إتصال من نوع Nano Sim .
يدعم شبكات الاتصال الجيل الثاني الـ 2G والجيل الثالث الـ 3G والجيل الرابع الـ 4G .
متانة وجودة الخامات المستخدمة في تصنيع الهاتف تأتي من البلاستيك بالكامل سواء في الظهر أو الإطار وهذا المعتاد في هذه الفئة .
الشاشة تأتي بشكل الثقب وتطلق الشركة عليها مسمى الـ FullView وتأتي الشاشة من نوع IPS LCD بمساحة 6.39 إنش بجودة الـ HD+ بدقة 720×1560 بكسل بمعدل كثافة بكسلات 269 بكسل لكل إنش وتدعم الشاشة أبعاد العرض بنسبة 19.5:9 لعرض محتوى أكبر على شاشة الهاتف سواء أثناء مشاهدة الفيديوهات أو لعب الألعاب
تدعم الشاشة وضع الـ Dark Mode بالكامل حيث يتم تحويل النظام بالكامل إلى اللون الأسود وأعلنت هونر أن نسبة استغلال الشاشة من الواجهة الأمامية تحتل نسبة 90% كما يمكنك إلغاء الثقب إذا لم تكن من محبينه من خلال الإعدادات .
الهاتف يأتي بذاكرة صلبة بسعة 64 جيجا بايت مع ذاكرة عشوائية بسعة 4 جيجا بايت .
كما يدعم الهاتف إمكانية زيادة المساحة التخزينية عن طريق كارت ميموري حتى سعة 512 جيجا بايت .
أما عن الأداء فالهاتف يأتي بمعالج هواوي في الفئة المتوسطة الـ Kirin 710A ويأتي بتكنولوجيا الـ 14 نانو مع معالج رسومي من نوع Mali-G51 MP4 كما يدعم الهاتف تعزيز الأداء الرسومي عن طريق الـ GPU Turbo 3.0 للحصول على أفضل أداء ممكن أثناء اللعب .
الكاميرا الخلفية تأتي بارزة قليلاً عن ظهر الهاتف وتأتي بكاميرا ثلاثية حيث تأتي الكاميرا الأولى بدقة 48 ميجا بكسل بفتحة عدسة F/1.8 وهي الكاميرا الأساسية للهاتف وتأتي الكاميرا الثانية بدقة 8 ميجا بكسل بفتحة عدسة F/2.4 وهي الخاصة بالتصوير الواسع وتأتي الكاميرا الثالثة بدقة 2 ميجا بكسل بفتحة عدسة F/2.4 وهي الخاصة بالعزل وعمل البورتريه بالإضافة لوجود فلاش أحادي من نوع ليد فلاش .
يدعم الهاتف الميكروفون الثانوي الخاص بعزل الضوضاء والضجيج أثناء استخدام الهاتف سواء في التحدث أو التسجيل أو التصوير … الخ .
يدعم الهاتف تصوير الفيديوهات بجودة الـ FHD بدقة 1080 بكسل بمعدل التقاط 30 و60 إطار في الثانية كما يدعم التصوير بطئ الحركة Slow Motion بمعدل 480 إطار في الثانية .
يدعم الواي فاي بترددات الـ b/g/n مع دعمه لخاصيتي الـ Wi-Fi Direct, hotspot .
أما عن البلوتوث فيأتي بإصدار 5.0 كما يدعم الـ A2DP, LE .
يدعم تحديد الموقع الجغرافي الـ GPS كما يدعم أنظمة الملاحة الأخرى الـ A-GPS, GLONASS, BDS .
أما عن وسائل الأمان والحماية الموجودة في الهاتف: يدعم مستشعر البصمة ويأتي في ظهر الهاتف كما يدعم خاصية الـ Face Unlock .
مع دعمه لمعظم المستشعرات الأخرى مثل التسارع والقرب والبوصلة والجيروسكوب .
كما يدعم منفذ الـ 3.5 ملم الخاص بسماعات الاذن .
أما عن منفذ الـ USB فيأتي من نوع Micro USB كما يدعم خاصية الـ OTG .
البطارية تأتي بسعة 4000 مللي أمبير .
يأتي الهاتف بنظام تشغيل أندرويد 9 مع واجهة هواوي الـ EMUI 9.1.1 وستجد تحديث لأندرويد 10 فور شرائك للهاتف ولا يدعم الهاتف خدمات جوجل بشكل رسمي .
يتوفر الهاتف باللون الأسود وباللون الأزرق .
سعر الهاتف 3000 جنية مصري
عيوب موبايل Honor 9C :-
لا يدعم خدمات جوجل بشكل رسمي لذلك لن تستطيع استخدام سواء المتجر أو خرائط جوجل أو اليوتيوب أو أي تطبيق له صلة بشركة جوجل .
ستستغرق وقت أطول لشحن البطارية بسبب قوة الشحن الـ 10 واط .
لا يدعم الجيروسكوب .
لا يدعم لمبة اشعارات .
منفذ USB قديم من نوع Micro USB بالرغم من قدوم هواتف منافسة بمنفذ أحدث .
معالج قديم نسبيا موجود في معظم الهواتف الاقتصادية .. يقدم اداء مقبول في الاستخدام اليومي لكن يقدم اداء ضعيف في الألعاب خصوصا بوجود منافسين من شاومي و ريلمي بمعالجات أقوى مثل Redmi 9 و Realme C3i .
يعتبر الهاتف نسخة طبق الأصل من Huawei Y6p بدون أي جديد يذكر .
والموبايل مفيهوش ميزة حقيقية تديلة نقطة تفوق أو أفضلية عن المُنافسين غير الـNFC، لإن هونر هي اللي حطت الموبايل ده في منافسة صعبة عليه جدًا بسبب التسعير بتاعه مش أكتر ولكن خلونا نكون متفقين إن الـ Honor A9 يعتبر فعلا من أفضل هواتف الفئة الإقتصادية.
نرجع تاني لسلسلة الترشيحات والمرادي هنتكلم عن موبايلات بتقدم قيمة كبيرة جدا مقابل السعر الي بتدفعو، المرادي مش هنكون متقيدين بفئة سعرية محددة ولكن اغلب الموبايلات الي هنتكلم عنها هتكون محصورة في الفئة المتوسطة بشكل كبير، كمان الموبايلات الي هنتكلم عنها فيه منها يعتبر قديم شوية في السوق ولكن في الاخر احنا عاوزين نذكر موبايلات فعلا بتوفر عليك جدا وكمان بتديك قيمة كويسة مقابل الي بتدفعو.
قبل ما نكمل، لو هنيجي نتكلم عن الموبايلات الي هنتكلم عنها من ناحية ” الإقتصادية ” فده الموضوع الغلط بالنسبالك لان لتتوضيح الفئة الإقتصادية او ” المتوسطة الإقتصادية ” وهي الي بتبدا من 2500 لحد 3500 جنيه، بعد كده بتلاقي الفئة المتوسطة والي تبدأ من 3500 جنيه لحد 5000 جنيه تقريبا ودي الفئة الي فيها اغلب الموبايلات الي هنتكلم عنها دلوقتي.
طب ليه تشتري موبايل قديم وتسيت حاجات جديدة زي الي اتكلمنا عنها في أفضل موبايلات الفئة المتوسطة من سعر 5000 لـ 7000 جنيه مثلا، ببساطة لانو بيقدملك قيمةعالية اكتر بسبب انو بقا قديم في السوق بس بردو الجديد بيتميز انو موبايل جديد فهيبقا عليه اهتمام اكتر من حيث التحديثات وعصرية التقديم والخ.
قبل ما تتابع الموضوع ده لو مش بتفكر في حاجه عمليه اوي مقابل فلوسك انصحك تشوف موضوع تاني من هنا والي هتلاقي الموبايل المناسب ليك مقابل فلوسك في الموسم الحالي من الموبايلات، بالنسبة للشركات الي هنتكلم عنها هتكون Realme , Readmi , Huawei وأخيرا Samsung من كل شركة موبايل زي ما احنا متعودين ويلا بينا نبدأ.
1- موبايل موبايل Realme XT :-
ريلمي XT هو موبايل متوسط من ريلمي بيجي للنسخة الـ128 جيجا مع 8 جيجا رام بسعر حوالي 5400 جنية مصري، والنسخة الـ128 جيجا مع 8 جيجا رام تعتبر تطوير شوية عن الـ Oppo Reno 2 الي اتكلمنا عنو المره الي فاتت، وبينفع تركب كارت ميموري وشريحتين إتصال مع بعض، هنتكلم عن ايه الي يخليك تشتري الموبايل ؟ ، كمان ايه الي يخليك متشترهوش ولو انت بتحب التفاصيل فهتلاقيني سايبلك مواصفات الموبايل الكاملة.
تشتري الريلمي XT ليه ؟
الكاميرا السيلفي في الهاتف قوية جدًا
شاشة الموبايل كبيرة جدا وفيها مميزات كتير زي السطوع الشديد جدا والتشبع.
إستجابة عوامل الأمان في الهاتف سريعة جدًا
بطارية الهاتف جيدة مع دعم للشحن السريع
دعم للمايكروفون الإضافي لعزل الضوضاء
خامات وماتريالز قيمة جدا
مواصفات الـ Realme XT
ابعاد 158.7×75.2×8.6 مم بوزن 183 جرام وخامات زُجاج من الأمام والخلف مع فريم الومنيوم
دعم لتركيب شريحتين إتصال 4G في نفس الوقت مع كارت ميموري بحجم 256 جيجا في منفذ مخُصص له
شاشة AMOLED بحجم 6.4 بوصة بدقة 1080×2340 بيكسل وبجودة FHD+ مع كثافة بيكسلات 403 بيكسل لكل بوصة وابعاد عرض 19.5:9 والسيلفي في نوتش Water Drop في الأعلى، وطبقة الحماية الموجوده على الشاشة هي Corning Gorilla Glass 5
معالج كوالكوم سناب دراجون 712 ثماني النواة الأربعة الأقوى فيهم Kryo 360 Gold بقوة 2.3 جيجا هيرتز ودقة التصنيع تأتي 10 نانو ميتر والمعالج الرسومي هو Adreno 616
أداء الهاتف ليس الأفضل في فئته السعرية في الوقت الحالي لانو يعتبر الفرق بينو وبين الموبايلات الأعلى منو بسيط في السعر
الكاميرا الخلفية لا تقدم اداء قوي في التصوير الليلي ولكن تتفوق في جميع المميزات التانية عن موبايلات كتير جدا وباغلى من سعر الـ xt
2- موبايل Redmi Note 8 Pro :-
Redmi Note 8 Pro هو موبايل متوسط من ريدمي بيجي للنسخة الـ128 جيجا مع 8 جيجا رام بسعر حوالي 4700 جنية مصري، والنسخة الـ128 جيجا مع 8 جيجا رام تعتبر نسخة مصغرة من الـ Mi 8 الي اتكلمنا عنو المره الي فاتت، وبينفع تركب كارت ميموري وشريحتين إتصال مع بعض، هنتكلم عن ايه الي يخليك تشتري الموبايل ؟ ، كمان ايه الي يخليك متشترهوش ولو انت بتحب التفاصيل فهتلاقيني سايبلك مواصفات الموبايل الكاملة.
تشتري الـ Redmi Note 8 Pro ليه ؟
خامات خارجية مُمتازة
أقوى أداء في فئته السعرية مع أداء رسومي قوي
كاميرا خلفية مازالت مُمتازة
أداء مُستقر جدًا بدون اي مشاكل
لا يوجد عيوب او مشاكل ظهرت في الهاتف
مواصفات الـ Redmi Note 8 Pro
تصميم زُجاجي من الأمام والخلف وفريم بلاستيك ووزن 200 جرام وابعاد 161.4×76.4×8.8 مم
دعم لتركيب شريحتين إتصال 4G او شريحة واحده مع كارت ميموري بحجم 256 جيجا في نفس الوقت
شاشة IPS LCD بحجم 6.53 بوصة بدقة 1080×2340 بيكسل جودتها FHD+ مع كثافة بيكسلات 395 بيكسل لكل بوصة وابعاد عرض 19.5:9 والشاشة تأتي مع نوتش Water Drop في الأعلى، وطبقة الحماية الموجوده على الشاشة هي Corning Gorilla Glass 5
معالج ميدياتك Helio G90T ثماني النواة الإثنين الأقوى منهم Cortex A76 بتردد 2.05 جيجا هيرتز والمعالج يأتي بمعمارية تصنيع 12 نانو ميتر، والمعالج الرسومي هو Mali-G76 MC4
مساحة تخزين 64 جيجا او 128 جيجا مع 6 جيجا رام، وواجهة MIUI 11 بأندرويد 10
كاميرا اماميه بدقة 20 ميجا بيكسل بفتحة عدسة F/2.0 تدعم HDR وPanorama وتصوير فيديوهات بجودة تصل الى 1080p@30fps
Huawei Nova 5T هو موبايل متوسط من هواوي بيجي للنسخة الـ128 جيجا مع 8 جيجا رام بسعر حوالي 4900 جنية مصري، والنسخة الـ128 جيجا مع 8 جيجا رام تعتبر نسخة مصغرة من الـ Nova 5 الي اتكلمنا عنو المره الي فاتت، وبينفع تركب كارت ميموري وشريحتين إتصال مع بعض، هنتكلم عن ايه الي يخليك تشتري الموبايل ؟ ، كمان ايه الي يخليك متشترهوش ولو انت بتحب التفاصيل فهتلاقيني سايبلك مواصفات الموبايل الكاملة.
تشتري الـ Nova 5T ليه :-
خامات خارجية فخمة مع تصميم شيك
أقوى أداء في هذه الفئة السعرية وهو نفس اداء هاتف Honor 20
الهاتف مُناسب للإستخدام بإيد واحده بسهولة
إستقرار رهيب في السوفت وير مع دعم لخدمات جوجل بشكل دائم وبدون مشاكل
لا يوجد اي عيوب او مشاكل ظهرت في الهاتف مع المُستخدمين
مواصفات الـ Huawei Nova 5T
ابعاد 154.3x74x7.8 مم مع وزن 174 جرام وتصميم زُجاجي من الأمام والخلف بفريم معدني
دعم لتركيب شريحتين إتصال من الجيل الرابع في نفس الوقت ولا يدعم تركيب كارت ميموري خارجي
شاشة IPS LCD حجمها 6.26 بوصة بدقة 1080×2340 بيكسل بجودة FHD+ مع كثافة بيكسلات 412 بيكسل لكل بوصة وأبعاد عرض 19.5:9 والشاشة كامله والسيلفي في ثُقب في أعلى اليسار
معالج Kirin 980 ثماني النواة الإثنين الأقوى بينهم Cortex A76 بتردد 2.6 جيجا هيرتز والمعالج دقة تصنيع 7 نانو ميتر والمعالج الرسومي المُستخدم هو Mali-G76 MP10
دعم لتركيب شريحتين إتصال من الجيل الرابع مع كارت ميموري بحجم 1 تيرا في منفذ مخصص له
شاشة Super AMOLED بحجم 6.7 بوصة بدقة 1080×2400 بيكسل وبجودة FHD+ مع كثافة بيكسلات 393 بيكسل لكل بوصة وابعاد عرض 20:9 والشاشة كاملة والسيلفي في ثُقب، طبقة الحماية على الشاشة تأتي من نوع Corning Gorilla Glass الجيل الثالث
معالج كوالكوم سناب دراجون 730G ثماني النواة بدقة تصنيع 8 نانو ميتر والأنوية الأقوى تأتي من نوع Kryo 470 Gold بقوة 2.2 جيجا هيرتز والمعالج الرسومي هو Adreno 618
نظام تشغيل اندرويد 10 بواجهة One UI 2.0، ومساحة تخزين 128 جيجا مع 8 جيجا رام
كده نكون لمينا 4 من أفضل موبايلات الفئة المتوسطة بالسوق المصري، زي ما قولنا الموبايلات قديمة حبتين ولكن من الموبايلات الي مش هتندم انك تشتريها بسبب القيمة الرهيبة الي بتقدمهالك مقابل السعر الي هتدفعو، اكتبولنا في الكومنتات القيمة السعرية الي حابينا نتكلم عنها في مقالة التوصيات الجاية، مع السلامة 3>
متنساش تتابعنا على صفحةميكسلزعشان يوصلك كل جديد عن الموبايلات والتكنولوجيا بشكل أسرع !
لو بتبحث عن موبايل متوسط كويس تقدر تشتريه من سعر 5000 جنيه لحد 6500 أو 7000 جنيه مصري، اكيد انا عارف ان الاختيارات كتير جدا عليك خصوصا في الفئة السعرية دي، عشان كده إنت موجود حاليا في الموضوع الي هيوضحلك أفضل الاختيارات في الفئة دي بدون منازع، هنقدملك زي ما متوعدين في قسم ” التوصيات ” أفضل ترشيحات لـ أفضل موبايلات الفئة المتوسطة .
عشان تبقا فاهم الصورة كويس ” الفئة المتوسطة الإقتصادية ” وهي الي بتبدا من 2500 لحد 3500 جنيه، بعد كده بتلاقي الفئة المتوسطة والي تبدأ من 3500 جنيه لحد 5000 جنيه تقريبا، بعد الـ 5000 يبقا كده بنتكلم عن فئة متوسطة عليا، وخلال الموضوع ده هنشمل 4 موبايلات في الفئة المتوسطة العليا تحديدا، هنتكلم عن ريلمي وشاومي وهواوي وأكيد سامسونج في الفئة المتوسطة العليا.
متنساش تتابع معانا للاخر عشان تستفاد وأكيد قولنا في الكومنتات لو كنت متوقع موبايل لقيتو في الموضوع، ومتنساش تتابعنا على صفحة الفيسبوك Mixils عشان يوصلك الجديد بشكل اسرع، ويلا بينا نتعرف على أفضل موبايلات الفئة المتوسطة .
1- موبايل Realme 6 Pro
ريلمي 6 برو هو موبايل متوسط من ريلمي بيجي للنسخة الـ128 جيجا مع 8 جيجا رام بسعر حوالي 5400 جنية مصري، والنسخة الـ128 جيجا مع 8 جيجا رام تعتبر تطوير شوية عن الـ Realme 6 الي اتكلمنا عنو المره الي فاتت، وبينفع تركب كارت ميموري وشريحتين إتصال مع بعض، هنتكلم عن ايه الي يخليك تشتري الموبايل ؟ ، كمان ايه الي يخليك متشترهوش ولو انت بتحب التفاصيل فهتلاقيني سايبلك مواصفات الموبايل الكاملة.
تشتري الريلمي 6 برو ليه ؟
خلونا نقول ان الريلمي 6 برو افضل من الريلمي 6 فإيه ولو عاوز تشوف إيه الي بيميز الريلمي 6 اصلا لازم تشوف اخر موضوع ترشيحات من هنا.
الشاشة أكبر شوية 6.6 بوصة بس فيها ثقبين للسيلفي مش ثقب واحد
في الخامات الخارجية زجاج مش بلاستيك زي ريلمي 6 العادي
في الكاميرا السيلفي المُزدوجة اللي هنا بتقدم أداء أفضل وكمان معاك عدسة ثانوية للتصوير السيلفي الواسع
الكاميرا الخلفية فيها عدسة مُخصصة للزوم بتوصل لـ20 اكس، مش عارف انت هتستخدمها ولا لأ
دعم للمايكروفون الإضافي لعزل الضوضاء
نفس بطارية ريلمي 6 ونفس الشاحن بالظبط
معالج سناب دراجون 720G نفس الموجود في النوت 9 برو واللي قولت تعليقي عليه بالنسبه للـG90T، هو اقل في الأداء الرسومي ولكنه افضل في السخونية وإستهلاك البطارية
مواصفات موبايل ريلمي 6 برو
الهاتف يأتي مع وزن 202 جرام
ابعاد الهاتف 163.8×75.8×8.9 مم
تصميم الهاتف من الزجاج من الامام والخلف مع فريم بلاستيك
شاشة من نوع IPS LCD بجحم 6.6 بوصة بدقة 1080×2340 بيكسل بجودة FHD+ مع كثافة بيكسلات 399 بيكسل لكل بوصة وابعاد عرض 20:9 ومعدل تحديث يصل الى 90 فريم في الثانيه، والشاشة كامله والسيلفي مُزدوج في ثُقب في اعلى يسار الشاشة
بص هو كعيوب الموبايل بيديك كل حاجه بشكل ممتاز جدا معنديش عليه تعليقات بصراحة غير إنك لو شايف إن التطويرات والفروقات الي هتاخدها من الريلمي 6 برو مش هي الـ Wow او الي هتخليك مرتاح أكتر عن تجربة الـ Realme 6 فخليك في الريلمي 6 أو تابع معانا للأخر يمكن تلاقي موبايل تاني أفضلك في الفئة السعرية دي.
2- موبايل Mi Note 10 Lite
الـ Mi Note 10 Lite موجود بنسختين الـ128 جيجا مع 6 جيجا رام بسعر 5400 جنية والـ 128 جيجا مع 8 جيجا رام بسعر 5800 جنية وينفع تركب شريحتين اتصال من غير كارت ميموري، وده موبايل الشياكة والفخامة والعظمةـ وعلى فكرة الموبايل باع كتير في مصر على عكس المتوقع، وبالمناسبة برده بنسبة كبيرة شاومي مش هتنزل موبايلات جديدة لحد اخر السنة.
تشتري الـ Mi Noe 10 Lite ليه ؟
شاشة AMOLED بحجم 6.47 بوصة بدقة FHD+ واللي فيها نوتش مش ثقب للشاشة، والميزة هنا في الـEdges اللي في الشاشة، وهي ميزة للي عاوز موبايل فخم وعيب للي عاوز موبايل عملي
معالج سناب دراجون 730G اللي مازال بيقدم أداء معقول في الفئه المتوسطة طول ما مفيش معالجات أقوى من سناب دراجون نزلت في الفئة ديه لحد دلوقتي في مصر
تصميم خلفي Premium لأبعد الحدود، محدش هيشوف الموبايل ده معاك إلا وهيقولك إيه العظمة دي
بيدعم الـNFC وبيدعم الـIR Blaster
الكاميرا الخلفية 64 ميجا بيكسل بمستشعر Sony IMX686 قولت عليه في المراجعة بتاعت الموبايل إنه ملك التفاصيل حرفيًا، بس معالجة الألوان فيه مش قد كده، هتحتاج Edit بسيط، بس الكاميرا اللي هنا الماده الخامة للتصوير علشان تعدل براحتك
مواصفات الـ Mi Note 10 Lite
ابعاد الموبايل 157.8×74.2×9.7 مم مع وزن 204 جرام
تصميم زُجاجي من الأمام والخلف مع فريم الومنيوم وإنحناءات 3D في الضهر وطبقة حماية Gorilla Glass 5
الهاتف يدعم تركيب شريحتين إتصال من الجيل الرابع ولا يدعم تركيب كارت ميموري
شاشة اموليد بحجم 6.47 بوصة بدقة 1080×2340 بيكسل وبجودة FHD+ مع كثافة بيكسلات 398 بيكسل لكل بوصة وابعاد عرض 19.5:9 ودعم للـHDR10 والشاشة تأتي مع نوتش Infinity U في الأعلى، والشاشة تأتي بـEdges او إنحناءات من اليمين واليسار
الشاشة تأتي مع طبقة حماية Corning Gorilla Glass الجيل الخامس
معالج كوالكوم سناب دراجون 730G ثماني النواة بدقة تصنيع 8 نانو ميتر وبقوة تصل الى 2.2 جيجا هيرتز والمعالج الرسومي Adreno 618، والمعالج هو الموجود في Mi 9T السابق من شاومي وGalaxy A71
مساحة تخزين 128 جيجا مع 6 جيجا رام او 8 جيجا رام والذاكرة تأتي من نوع UFS 2.1
حجم الموبايل كبير نسبيا فلو إنت متعود على الموبيلات الي بالحجم الطبيعي مش هتتعود على ده بسهولة
3- موبايل Samsung Galaxy A71
سعر Galaxy A71 هو حوالي 6600 جنية للنسخة 128 جيجا مع 8 جيجا رام وينفع تركب كارت ميموري وشريحتين اتصال مع بعض في نفس الوقت، وده تقريبًا من أكتر موبايلات سامسونج في الفئة المتوسطة اللي لقيت قبول ورضا المُستخدمين في الفترة الكبيرة الأخيرة ، وتعليقي الوحيد على A71 إن هينزل قريب الـGalaxy M51 بنفس مواصفات A71 مع بطارية أكبر 7000 مللي أمبير، وممكن كمان ينزل بنفس السعر او أقل فهنا انت ممكن تفكر في الـ 51 بردو والي اتكلمنا عنو في التوصيات قبل كده.
تشتري الـ Galaxy M71 ليه ؟
موبايل محترم موزون متكامل الى حد كبير
معالج سناب دراجون 730 المُتعارف عليه في الفئة دي
شاشة كبيرة 6.7 بوصة من نوع Super AMOLED فيها ثقب للسيلفي بدقة FHD+ بتردد 60 هيرتز فقط
الكاميرا الخلفية 64 ميجا بيكسل نفس الكاميرا الموجودة في الـM31
الكاميرا السيلفي 32 ميجا بيكسل، وأداء الكاميرات هنا محترم جدًا، صور موزوزة وتفاصيل مع معالجة ألوان محترمة
بطارية 4500 مللي أمبير مع شحن 25 واط مقبولين على فئته السعريه
مواصفات موبايل سامسوج A71
ابعاد الموبايل 163.6x76x7.7 مم مع وزن 179 جرام
تصميم الهاتف من البلاستيك وعليه طبقة طلاء زجاجية خفيفة جدا ولكن الخامة الاساسية من البلاستيك
الوان الهاتف الأبيض والإسود والأزرق والبينك
الهاتف يدعم تركيب شريحتين إتصال من الجيل الرابع مع كارت ميموري بحجم 1 تيرا في منفذ مخصص له
شاشة ضخمة من نوع Super AMOLED بحجم 6.7 بوصة وبدقة 1080×2400 بيكسل بجودة FHD+ وبكثافة بيكسلات 393 بيكسل لكل بوصة مع ابعاد عرض 20:9 والشاشة كاملة والسيلفي في ثٌقب في منتصف الشاشة
طبقة حماية على الشاشة Corning Gorilla Glass 3 والموبايل متركب عليه سكرينة
أكتر حاجه زعلتني انا شخصيا وهي إن خامات الموبايل من البلاستيك سواء الفريم او ضهر الموبايل وده يعتبر شيء رديء بالنسبة للفئة السعرية الي المفروض الموبايل بينافس فيها
أداء الألعاب مش أحسن حاجه بصراحة في الفئة دي بردو ولكن في التنقل السريع بين التطبيقات مش هتلاقي مشاكل أوي
4- موبايل Huawei Nova 5T
سعر Nova 5T دلوقتي حوالي 6400 جنية للنسخة 128 جيجا مع 8 جيجا رام وينفع تركب شريحتين اتصال ومينفعش تركب كارت ميموري، الموبايل برده بقاله فتره كبيرة في السوق، ولكن لا يزال بيقدم معالج هو الأقوى في الفئة دي وهو كيرن 980 معالج رائد، تعليقي الوحيد عليه إنه بيسخن شوية.
كده نكون لمينا 4 من أفضل موبايلات الفئة المتوسطة العليا، تقدر تختار الموبايل الي حسيتو مناسب ليك من ناحية نقطة قوة كل موبايل، هنقدم أفضل الموبايلات في الفئة العليا والي بتبدأ من 7000 لحد 10000 جنيه مصري قريب جدا.
لو استفدت من الموضوع اكتبلنا في الكومنتات، و اكتبلنا اسم الموبايل الي قررت تشتريه بعد ما قريت الموضوع.
متنساش تتابعنا على صفحةميكسلزعشان يوصلك كل جديد عن الموبايلات والتكنولوجيا بشكل أسرع !
لو بتبحث عن موبايل متوسط كويس تقدر تشتريه من سعر 3000 جنيه لحد 4500 لـ 5000 جنيه مصري، اكيد انا عارف ان الاختيارات كتير جدا عليك خصوصا في الفئة السعرية دي، عشان كده إنت موجود حاليا في الموضوع الي هيوضحلك أفضل الاختيارات في الفئة دي بدون منازع، هنقدملك زي ما متوعدين في قسم ” التوصيات ” أفضل ترشيحات لـ أفضل موبايلات الفئة المتوسطة .
عشان تبقا فاهم الصورة كويس ” الفئة المتوسطة الإقتصادية ” وهي الي بتبدا من 2500 لحد 3500 جنيه، بعد كده بتلاقي الفئة المتوسطة والي تبدأ من 3500 جنيه لحد 5000 جنيه تقريبا، بعد الـ 5000 يبقا كده بنتكلم عن فئة متوسطة عليا، وخلال الموضوع ده هنشمل 4 موبايلات في الفئة المتوسطة تحديدا، هنتكلم عن ريلمي وريدمي وهواوي وأكيد سامسونج في الفئة المتوسطة.
تابع معانا للاخر عشان تستفاد وقولنا في الكومنتات لو كنت متوقع موبايل لقيتو في الموضوع، ومتنساش تتابعنا على صفحة الفيسبوك عشان يوصلك الجديد بشكل اسرع، ويلا بينا نتعرف على أفضل موبايلات الفئة المتوسطة .
1- موبايل Realme 6
ريلمي 6 هو موبايل متوسط من ريلمي بيجي للنسخة الـ128 جيجا مع 4 جيجا رام بسعر حوالي 4100 جنية مصري، والنسخة الـ128 جيجا مع 8 جيجا رام بسعر حوالي 4700 جنية مصري، وبينفع تركب كارت ميموري وشريحتين إتصال مع بعض، هنتكلم عن ايه الي يخليك تشتري الموبايل ؟ ، كمان ايه الي يخليك متشترهوش ولو انت بتحب التفاصيل فهتلاقيني سايبلك مواصفات الموبايل الكاملة.
تشتري الريلمي 6 ليه ؟
بيقدملك شاشة 6.5 بوصة IPS LCD بدقة FHD+،كل ده عادي، اللي مش عادي إنها بتردد 90 هيرتز بتديلك نعومة في الإستخدام والـScroll، وفكرة التردد العالي هنشوفها كتير، ده انفينكس وتكنو قرروا يتبنوا ميزة الـ90 هيرتز دي.
بيقدملك معالج قوي في تشغيل الألعاب ميدياتيك Helio G90T، بتكنولوجيا 12 نانو، هيشغلك كل الألعاب اللي إنت عايزها وزيادة، بس لازم تتقبل فكرة إن بالسعر القليل شوية والمعالج الـ12 نانو هنا أن مع اللعب الكتير الموبايل هيسخن، وده ناتج من الأداء اللي المعالج بيطلعه.
بيقدملك بطارية ممكن هي مش الأكبر، 4300 مللي أمبير بتدليلك 6 ساعات شاشة مفتوحة مع إستخدام متوسط ولكن معاه شاحن 30 واط بيشحن البطارية في ساعة.
بيقدملك كاميرا خلفية 64 ميجا بيكسل بمستشعر سامسونج GW1 ممكن تكون بتلعب في الألوان شوية وبتعمل زي تجميل بسيط كده، ولكن الصور اللي بتطلع من الكاميرا عينك تحب تشوفها.
مواصفات موبايل Realme 6
وزن الموبايل 191 جرام
ابعاد الموبايل 162.1×74.8×8.9 مم
تصميم الهاتف من البلاستيك البولي كاربونيت
الهاتف يدعم تركيب شريحتين إتصال من الجيل الرابع مع كارت ميموري بحجم 256 جيجا
شاشة من نوع IPS LCD بحجم 6.5 بوصة بدقة 1080×2400 بيكسل وبجودة FHD+ وابعاد العرض 20:9 وكثافة بيكسلات 405 بيكسل لكل بوصة والشاشة كامله تدعم معدل تحديث 90Hz والسيلفي في ثُقب
طبقة حماية من نوع Corning Gorilla Glass 3 على الشاشة
صوت Speaker الموبايل متوسط، هو مش مشكلة، بس لازم تبقى فاهم إنه مش اعلى او أفضل صوت.
النسخة الـ4 جيجا رام من الريلمي 6 ممكن تكون متكتفه شويه والواجهة تقيله حاجة بسيطة، لو معاك فلوس وتقدر تجيب الـ8 رام هتتبسط اكتر.
2- موبايل Redmi Note 9 Pro
موبايل Redmi Note 9 Pro موبايل من شاومي في الفئة المتوسطة بيجي للنسخة الـ64 جيجا مع 6 جيجا رام بسعر 3900 جنية مصري، والنسخة الـ128 جيجا مع 6 جيجا رام بتيجي بسعر 4500 جنية، وبينفع تركب كارت ميموري وشريحتين إتصال مع بعض.
تشتري الريدمي نوت 9 برو ليه ؟
علشان هو ممكن يكون Premium شوية، يعني ايه بريميم ؟ تصميم زجاج وشكل كاميرا خلفية مُختلف وفيه لمعة وإنعكاسات حلوة، موبايل فعلًا شكله شيك، بس وزنه وحجمه أكبر بفرق ملحوظ عن Realme 6.
لو إنت مش حابب معالجات ميدياتك 12 نانو اللي بتسخن، فا هنا شاومي بتقدم Snapdragon 720G بتكنولوجيا 8 نانو، أدائه أقل حاجة بسيطة وسخونيته أقل وإستهلاكه للبطارية أقل.
بيقدملك بطارية عملاقة 5000 مللي أمبير بتستحمل لحد 9 ساعات شاشة مفتوحة، وكمان معاك شاحن سريع بيشحن بقوة 30 واط بيشحن البطارية في ساعة وربع.
فيه شوية حاجات رايقة المُستخدم بيحبها، وانت هتحبها برده زي – الـNFC – لمبة الإشعارات – مايكروفون إضافي لعزل الضوضاء – مستشعر IR للتحكم في الأجهزة الكهربائية وتلفيزون القهوة يمعلم D:
كاميرا خلفية 64 ميجا بيكسل بنفس المستشعر الـGW1، ولكن أدائها أفضل بفرق واضح وعملنا مقارنة وضحنا فيها إن النوت 9 برو هو فعلًا فتوة الكاميرات في فئته السعريه.
مواصفات موبايل Redmi Note 9 Pro
ابعاد الموبايل 165.8×76.7×8.8 مم مع وزن 209 جرام
الهاتف يأتي بتصميم زُجاجي من الامام والخلف مع فريم من البلاستيك
طبقة الحماية على الضهر الزُجاجي Corning Gorilla Glass 5
الهاتف يدعم تركيب شريحتين إتصال 4G مع كارت ميموري بحجم 256 جيجا في منفذ مخصص له
شاشة من نوع IPS LCD بحجم 6.67 بوصة بدقة 1080×2400 بيكسل وبجودة FHD+ مع كثافة بيكسلات 395 بيكسل لكل بوصة وابعاد عرض 20:9 والشاشة كامله والسيلفي في ثُقب في منتصف الشاشة والشاشة بتردد 60 هرتز فقط
الشاشة عليها طبقة حماية Corning Gorilla Glass 5
معالج كوالكوم سناب دراجون 720G الجديد ثماني النواة بقوة تصل الى 2.3 جيجا هيرتز مع معمارية 8 نانو ميتر وقوة المعالج Adreno 618
اندرويد 10 بواجهة MIUI 11
مساحة تخزين 128 جيجا مع 6 جيجا رام او 64 جيجا مع 4 جيجا رام والذاكره من نوع UFS 2.1
استقرار واجهة شاومي مش عاجبني اوي، الواجهة محتاجه شغل كتير علشان تبقى مستقره أكتر وأقدر اتطمن لها أكتر، وانا هنا بقارن واجهات ببعضها مش بعيب في الواجهة وخلاص.
الشاشة مش 90 هيرتز ومش AMOLED، ولكن مازالت بتقدم أداء مُرضي ومحدش إشتكى منها.
وزن الموبايل تقيل شوية وحجمه كبير شوية، لازم تبقى متقبل ده.
بروز الكاميرات هنا كبير شوية، ويمكن يكون ده أكبر بروز شوفته في الفئة السعريه دي.
انا هنا مرشحتش الـ Redmi Note 9S لسببين، أولًا توكيل شاومي في مصر مبقاش بيجيب منه كميات تاني وإعتمادة حاليًا على Note 9 Pro، ثانيًا نوت 9 برو أحسن في الكاميرا وسرعة الشحن وفرق السعر بينهم بسيط.
3- موبايل Samsung Galaxy M31
موبايل Galaxy M31 هو موبايل متوسط من سامسونج الي ابتدت تهتم بشكل كبير بالفئة المتوسطة والإقتصادية في الفترة الأخيرة، الموبايل بييجي بحوالي 4300 جنية للنسخة 128 جيجا مع 6 جيجا رام وينفع تركب كارت ميموري وشريحتين اتصال مع بعض.
تشتري الـ Galaxy M31 ليه ؟
بيقدم أفضل تجربة شاشة أموليد 6.4 بوصة بدقة FHD+، هي واخدة شكل النوتش مش الثقب زي ريلمي وشاومي، ولكنها بتقدم أفضل تجربة سطوع وألوان عنهم، وهتخسر ميزة الـ90 هيرتز اللي في ريلمي 6 في مقابل الشاشة الـAMOLED اللي هنا.
بيقدم كاميرا خلفية وكاميرا سيلفي مُمتازة، مش عارف في بعض الناس مش عاجبهم الكاميرات اللي هنا، أعتقد هما مش بيقارنوا، بيصوروا ويقولوا وحش، ولكن شايف Galaxy M31 ميقلش حاجة عن النوت 9 برو في الكاميرات علشان معالجة سامسونج للألوان حلوة أوي والكاميرا الخلفية اللي هنا برده 64 ميجا بيكسل بنفس المسستشعر الـGW1.
مواصفات موبايل سامسونج جلاكسي A31
وزن 185 جرام
ابعاد 159.3×73.1×8.6 مم
تصميم من البلاستيك البولي كاربونيت من الضهر والفريم
شاشة الهاتف من نوع Super AMOLED بحجم 6.4 بوصة وبدقة 1080×2400 بيكسل وبجودة FHD+ بكثافة بيكسلات 411 بيكسل لكل بوصة وابعاد العرض في الشاشة 20:9 والشاشه تأتي مع نوتش Infinity U في الأعلى
معالج من ميدياتك وهو Helio P65 ثماني النواة يأتي بدقة تصنيع 12 نانو ميتر وقوته تصل الى 2.0 جيجا هيرتز والمعالج الرسومي هو Mali-G52 MC2
الخامات البلاستيك رديئه شوية والموبايل بيتخدش من الهوا حرفيًا، والموبايل ولا بيجي معاه جراب ولا سكرينه، في إسترخاص كده من سامسونج، وكمان شكل التصميم مش حديث هو أقل موبايل من ناحية شكل التصميم في فئته السعريه من وجه نظري، لو عاوز خامات أحسن شوية وتصميم افضل شوية هات Galaxy A51.
المعالج الـ Exynos 9611 اللي بمعمارية 10 نانو هو أقل وأضعف من المعالجات اللي قولت عليها فوق، وهو مُجملًا مقبول في الإستخدام اليومي لو إنت ميفرقش معاك إنك تحس شوية بالـ Animations وتحس شوية بتقطيع فريمات.
غالبًا لو إنت جاي من موبايل قديم شوية مش هتحس باللي أنا بقوله ده اصلًا، إنما الأداء في الألعاب، على الورق كمواصفات كويس وبيشغل على إعدادات جرافيك عالية ولكن مفيش إستمرارية في الأداء الكويس، شوية وهتلاقي الموبايل بيسخن جامد من عند الكاميرات والموبايل إبتدأ يسقط فريمات ويهنج شوية في الألعاب بعد فترة من اللعب عليه.
بيقدم بطارية على الورق ضخمة 6000 مللي أمبير، ولكن أدائها الفعلي مع الوقت زيها زي بطارية 4500 مثلًا من البراندات التانية، وأدائها مش بطال خالص ومش ديه مشكلتي، المشكلة الشاحن المرفق بطيء شوية 15 واط وكمان فيه شكاوي من بطأ زمن الشحن بعد فترة من الإستخدام وبتوصل لـ3 ساعات مثلا.
4- موبايل Huawei Nova 7i
النوفا 7i هو موبايل متوسط من هواوي نزل بعد مشاكلها مع جوجل، الموبايل بييجي بسعر 4500 جنية للنسخة 128 جيجا مع 8 جيجا رام وينفع تركب شريحتين اتصال او شريحة وكارت من نوع Nano مش موجود في السوق، إعتبر إنك مش معاك كارت ميمورى في الموبايل ده.
معالج كيرن 810 تكنولوجيا 7 نانو قوي جدًا في الأداء اليومي العادي، ممكن ميكنش بيقدم أفضل تجربة العاب بس الموبايل ده حرفيًا مش بيسخن، أو السخونية بتاعته أقل من كل الموبايلات اللي قولت عليها.
الكاميرا الخلفية والسيلفي معقولين مش الأفضل ولكن مش الأوحش، وفي توازن ما بينهم مفيش حد وحش وحد حلو الإتنين وسط، بس مش بيصور فيديوهات 4K على عكس كل المنافسين.
بطارية معقولة مش كبيرة 4200 مللي أمبير هتكمل 6 ساعات شاشة مفتوحة بس معاك اسرع شاحن 40 واط بيجي في العلبة .
الشاشة بتاعته IPS LCD بدقة FHD+ بتردد 60 هيرتز عادي بشكل الثقب، وهي مش شاشة مُميزة ولا هي AMOLED ولا هي 60 هيرتز ولكنها بتقدم أداء مُرضي وسطوعها أعلى حتى من شاشة النوت 9 برو.
مواصفات موبايل Huawei Nova 7i
وزن الهاتف 183 جرام بأبعاد 159.2×76.3×8.7 مم
تصميم الهاتف من البلاستيك البولي كاربونيت وفريم من البلاستيك
الهاتف يدعم تركيب شريحتين إتصال 4G او شريحة واحده مع كارت ذاكره خارجي بحجم 256 جيجا
شاشة الهاتف من نوع LTPS IPS LCD بحجم 6.4 بوصة وبدقة 1080×2310 بيكسل بجودة FHD+ مع كثافة بيكسلات 398 بيكسل لكل بوصة وابعاد عرض 19.5:9 والشاشة كامله والسيلفي في ثُقب في اعلى اليسار مثل Honor 20 و Nova 5T
معالج هايسيليكون كيرين 810 المتوسط وهو ثُماني النواة بدقة تصنيع 7 نانو ميتر وبقوة تصل الى 2.27 جيجا هيرتز والمعالج الرسومي Mali-G52 MP6، والمعالج حقق 286 الف نقطة في اختبار انتوتو وهو يُعادل سناب دراجون 730G الموجود في Pocophone X2 الجديد
اندرويد 10 بواجهة هواوي الجديده EMUI 10
مساحة تخزين 128 جيجا مع 8 جيجا رام والذاكره الداخليه نوعها UFS 2.1
الموبايل ده في المركز الرابع بسبب عدم دعمة لخدمات جوجل، ولو إنت مش متقبل فكرة غياب خدمات جوجل فا بلاش تفكر في الموبايل ده وإعتبره مش موجود لانك مش هتعرف تستخدمو، وعشان توصل لخدمات جوجل هتلف لفة شوية ومش هتتقبل ده لو انت مستخدم تقيل.
لو إنت عندك القابلية في إنك تشتري هواوي لإنك ليك تجارب معاها فأنصحك قبل ما تشتري تدور كويس على كل طرق التعامل مع الموبايل ده علشان تقدر تنقل الـ Data بتاعتك وتبدأ من جديد مع هواوي نوفا 7i وتعرف كل سلبيات الموضوع علشان متحسش انك مش مرتاح في يوم من الأيام.
كده نكون لمينا 4 من أفضل موبايلات الفئة المتوسطة، تقدر تختار الموبايل الي حسيتو مناسب ليك من ناحية نقطة قوة كل موبايل، هنقدم أفضل الموبايلات في الفئة المتوسطة العليا والي بتبدأ من 4500 لحد 6000 جنيه مصري قريب جدا.
لو استفدت من الموضوع اكتبلنا في الكومنتات، و اكتبلنا اسم الموبايل الي قررت تشتريه بعد ما قريت الموضوع.
متنساش تتابعنا على صفحةميكسلزعشان يوصلك كل جديد عن الموبايلات والتكنولوجيا بشكل أسرع !
خلال الفترة الأخيرة شوفنا موبايلات كتيرة أوي نزلت في الفئة الإقتصادية خصوصا في السوق المصري، شوفنا موبايلات كتير من ريلمي ومنافسها الوحيد ريدمي، كمان شوفنا موبيلات جديدة من انفنكس لكن خلونا متفقين إن أفضل موبيلات بالنسبة للفئة الإقتصادية احنا بنتكلم في ريلمي وريدمي لو عاوز تستخدم حاجه تفضل معاك لوقت كويس وده الي مش هتلاقيه من شركات تاني.
هنتكلم في الموضوع الحالي عن ترشيحين من ريلمي وترشيحين من ريدمي وترشيح وحيد من إنفنكس، هنتكلم عن Realme C3i و Realme C11 ومن شاومي هنتكلم عن Readmi 9A و Readmi 9 والمنافس ليهم من إنفنكس هيكون Infinix Hot 9، هنتكلم عن كل موبايل منهم من حيث أهم المميزات وأهم العيوب فيه والتجربة الي هتلاقيها من كل موبايل منهم من حيث كل نقطة أساسية ( الشاشة – التصميم – الأداء – الكاميرات – البطارية ).
هاتف Realme C3i
الريلمي C3i بيقدم تصميم من البلاستيك كخامات تصنيع وده شيء معتاد ومقبول في الفئة السعرية الحالية للموبايل، بالنسبة للشاشة فتم إستغلال حجم الهاتف بشكل جيد جدا للحصول على حجم شاشة كبير جدا ولكن دقة شاشة الموبايل ليست بالدقة الممتازة ولكن منقدرش نخليها عيب في الموبايل بحيث اننا بنتكلم عن فئة سعرية إقتصادية، وكرأي نهائي الشاشة ممتازة خصوصا لو انت كنت ماسك موبايل اقتصادي من اي شركة اخرى.
خلونا نتكلم عن العتاد والأداء وده أهم حاجه تفكر فيها في موبايلات الفئة السعرية الإقتصادية، هنا بنتكلم على نقطة قوة الـ Realme C3i وهي المعالج الي بيشتغل بكفائة كبيرة وبيقدم أداء قوي في الألعاب المتوسطة مثل PUPG Mobile و Mobile Legend، ممكن يواجهك شوية لاج او Drop Frames وانت بتستخدم الموبايل في وضع الـ Tasking او التنقل بين أكتر من تطبيق ثقيل، المعالج مخصوص بشكل أكبر للمهام الثلاثية بحد أقصى ومش هتقدر تفتج اكتر من 4 او 5 تطبيقات وتتنقل بينهم بشكل كويس.
سعر ومواصفات هاتف Realme C3i
وزن الهاتف يبلغ 195 جرام
أبعاد الهاتف ( 164.4x75x9 ) مم
التصميم من البلاستيك اللامع ( البولي كاربونيت )
يدعم تركيب شريحتي إتصال 4G مع كارت ميموري يصل الى 256 جيجا
شاشة الهاتف من نوع IPS LCD بحجم 6.5 بوصة بدقة 720×1600 بيكسل
جودة الشاشة HD+ مع كثافة بيكسلات 270 بيكسل لكل بوصة
زوايا عرض الشاشة 20:9 و تأتي على هيئة نوتش Water Drop في الأعلى
المعالج ميدياتك Helio G70ثماني النواة إثنين منهم Cortex A75 بقوة 2.0 جيجا هيرتز، والمعالج يأتي بدقة تصنيع 12 نانومتريأتي الهاتف مع معالج رسومي متوسط وهو Mali-G52 2EEMC2 مساحة تخزين 32 جيجا مع 2 او 3 جيجا رامواجهة المستخدمRealme UI مع نظام أندرويد 10.0الهاتف يأتي مع كاميرا سيلفي بدقة 5 ميجا بيكسل بفتحة عدسة F/2.4 تدعم HDR وPanorama ودعم تصوير فيديوهات بجودة تصل الى 1080p@30fps
بالنسبة للكاميرا الخلفية فهي تأتي مُزدوجه، الأولى بدقة 12 ميجا بيكسل بفتحة عدسة F/1.8 والثانيه بدقة 2 ميجا بيكسل بفتحة عدسة F/2.4 وهي مُخصصة للعزل
الكاميرات تدعم فلاش LED وHDR وPanorama وتصوير فيديوهات بجودة 1080p@30fps
الهاتف يدعم دعم لمنفذ السماعات الـ3.5 مللي
لا يدعم الهاتف بصمة الإصبع ولكن يدعم الفتح عن طريق الوجه او الـ Face Unlock
بطارية بحجم 5000 مللي امبير تدعم الشحن بقوة 10 وات عن طريق منفذ Micro USB 2.0
يأتي الهاتف مع لونين فقط وهما الأزرق والأحمر
السعر حوالي 2190 جنية
الى الان سيكون الهاتف متربعا على جميع هواتف الفئة الإقتصادية من حيث العتاد لكن مع نزول الـ Redmi 9الذي يقدم أداء أفضل معالج ممتاز للمهام اليومية والتنقل بين التطبيقات سيكون هناك كلام آخر ، بالنسبة للكاميرات فلا تنتظر منها أداء ممتاز بل ستحصل على تجربة متواضعة لحد كبير وصور عادية سواء الكاميرات الأمامية او الخلفية .
بالنسبة للبطارية فهناك ميزة وعيب حيث أن البطارية تأتي بحجم كبير جدا والذي سيمكنك من استخدام الهاتف بشكل مكثف طوال اليوم بدون الإحتياج إلى شحن الهاتف ولكن للأسف الهاتف لا يدعم الشحن السريع مما سيجعلك تنتظر وقت طويل في شحن الهاتف لكن إذا كنت تقوم بشحنه قبل نومك وعندما تستيقظ تقوم باستعماله فلن يشكل هذا عائقا لك.
هاتف Realme C11
الموبايل بيقدم خامات خارجية من البلاستيك اللامع أو البولي كاربونيت وزي ما ذكرت هي خامات معتادة جدا في الفئة السعرية الإقتصادية الي بينافس فيها الـ Realme c11، التصميم كشكل هو مميز جدا وترتيب عدسات الكاميرات مختلف وغير معتاد ( رصة الكاميرات الخلفية )، على عكس الريلمي إكس3 سوبر زوم الي كان تصميمو نسخ ولصق من الريلمي 6 برو.
الشاشة دقتها وجودتها مقبولين جدا خصوصا إن فيه موبيلات بسعر أغلى وبتقدم نفس نوع النوع الشاشة وبجودة ممكن أقل كمان ودي نقطة إيجابية في الموبايل عكس الريلمي X3 الي كانت الشاشة فيه نقطة سلبية فظيعة، الشاشة كتجربة أو كإستخدام كويسة جدا كتجربة أولية، وهنتكلم عنها بإستفاضة في المراجعة الكاملة.
سعر ومواصفات هاتف Realme C11
ابعاد الهاتف (164.4×75.9×9.1 مم)
وزن الهاتف تقريبا 196 جرام وده وزن مناسب جدا في الفئة السعرية دي
تصميم من البلاستيك البولي كاربونيت وده شيء متوقع
الهاتف بيدعم لتركيب شريحتين إتصال 4G مع كارت ميموري بحجم 256 جيجا في منفذ مخصص له
شاشة الموبايل من نوع IPS LCD بحجم 6.5 بوصة بدقة 720×1560 بيكسل وبجودة HD+ مع كثافة بيكسلات 270 بيكسل لكل بوصة وابعاد عرض 20:9 والسيلفي موجود في نوتش في أعلى الشاشة
معالج الهاتف ميدياتك Helio G35 بثمانية أنوية من نوع Cortex A53 بتردد 2.3 جيجا هيرتز ودقة التصنيع هي 12 نانو ميتر
المعالج الرسومي هو PowerVR GE8320 وده معالج ضعيف نسبيا
الهاتف يأتي مع اندرويد 10.0 مع واجهة Realme UI
مساحة تخزين 32 جيجا مع 2 جيجا رام او 3 جيجا رام والذاكرة نوعها eMMC 5.1
كاميرا سيلفي واحدة بدقة 5 ميجا بيكسل بفتحة عدسة F/2.4 وهي تدعم HDR وPanorama وتصوير فيديوهات بجودة 1080p@30fps
بطارية ليثيوم بوليمر بحجم 5000 مللي امبير تدعم الشحن بقوة 10 وات عن طريق منفذ Micro USB 2.0
الوان الهاتف الأخضر والرمادي
السعر حوالي 2100 جنية
الأداء الفعلي للهاتف مقبول جدا هو اه متواضع وليس الأفضل ولكن احنا بنتكلم عن موبايل إقتصادي جدا، ولو عاوز تاخد أداء كويس شوية فهتزود مبلغ بسيط وتوصل للـ Realme C3i، الـ 32 جيجا مع 3 جيجا في الريلمي C3i هتقدملك تجربة افضل طبعا.
بالنسبة للبطارية فالموبايل بيقدم بطارية ضخمة جدا وتعتبر الأضخم في الفئة السعرية الي بينافس فيها، للاسف وده شيء متوقع مش بتدعم الشحن السريع والمنفذ مش Type-c لا USP عادي للاسف ولكن زي ما قولت ده شيء متوقع جدا.
هاتف Redmi 9
بالنسبة للتصميم فالموبايل يقدم خامات متوقعة في الفئة السعرية وهي البلاستيك اللامع أو مادة البوليكاربونيت ولكن شاومي بتقدم تصميم فخم وعصري لدرجة انك لن تظن ابدا أنه تصميم هاتف اقتصادي الا عندما تلمس ظهر الهاتف ، التصميم تقريبا نفس تصميم الـ Xiaomi Redmi note 8 لكن الإختلاف في الخامات لا أكثر .
اما عن الشاشة فهي ميزة قوية جدا في موبايل الـ Redmi 9 ومن خلالها الهاتف يستحق فعلا لقب الأفضل في فئته حيث أن الشاشة تأتي بدقة FHD+ مع كثافة بكسلات ممتازة جدا وليس هناك أي منافسين للهاتف من نقطة الشاشة حتى من الشركة المنافسة لشاومي وهي ريلمي بالطبع فهاتف الـ Realme c3i وحتى الـ Realmi c3 يأتي بشاشات HD فقط .
سعر ومواصفات هاتف Redmi 9
وزن الموبايل 198 جرام
ابعاد الموبايل ( 163.3x77x9.1 ) مم ودي المفروض ابعاد كويسة جدا لقبضة اليد الصغيرة
خامات خارجية من البلاستيك اللامع بالكامل ” البولي كاربونيت ”
الهاتف يدعم تركيب شريحتين اتصال من الجيل الرابع مع دعم إدراج كارت ميموري يصل لحجم 512 جيجا
بطارية الهاتف بحجم 5020 مللي امبير تدعم الشحن السريع بقوة 18 وات عن طريق منفذ USB Type C ولكن الشاحن المرفق في العلبة بقوة 10 وات
الوان الهاتف الرمادي والبنفسجي والأخضر
السعر حوالي 2400 جنية
بالنسبة للأداء الفعلي للهاتف العتاد او مواصفات العتاد عالورق ممتازة جدا حيث ان المعالج المستخدم للـ Xiaomi Redmi 9 هو نفسه المعالج المستخدم في هاتف ريلمي الـ 6i وهو يعتبر منافس لأخ الـ Redmi 9 الأكبر الـ Xiaomi Redmi note 9 وهكذا العتاد سيكون نقطة قوية جدا مع الشاشة بالهاتف .
إعرف أكتر عن الـ Redmi 9 من خلال المراجعة الكاملة من هنا
وأيضا المعالج الرسومي ممتاز بجانب المعالج الأساسي ، إذا كان المعالج الأساسي يقدم نفس تجربة الـ 6i من ريلمي فاتوقع ان يكون الـ Redmi 9 ذا تجربة إستخدام ممتازة جدا سواء في الألعاب المتوسطة أو المهام اليومية المكثفة مثل التنقل السريع بين أكثر من تطبيق ” وهذا شيء مهم جدا حيث انها نقطة ضعف كبيرة لهاتف مثل الـ C3i من ريلمي بنفس الفئة السعرية ” .
هاتف Xiaomi Redmi 9A
الموبايل بيقدم خامات خارجية من البلاستيك اللامع أو البولي كاربونيت وزي ما ذكرت هي خامات معتادة جدا في الفئة السعرية الإقتصادية الي بينافس فيها الـ Realme c12، التصميم كشكل هو مميز جدا وترتيب عدسات الكاميرات مختلف وغير معتاد ( رصة الكاميرات الخلفية )، على عكس الريلمي إكس3 سوبر زوم الي كان تصميمو نسخ ولصق من الريلمي 6 برو او الريلمي C3i او الـ C3.
الشاشة دقتها وجودتها مقبولين جدا خصوصا إن فيه موبيلات بسعر أغلى وبتقدم نفس نوع النوع الشاشة وبجودة ممكن أقل كمان ودي نقطة إيجابية في الموبايل عكس الريلمي X3 الي كانت الشاشة فيه نقطة سلبية فظيعة، الشاشة كتجربة أو كإستخدام كويسة جدا كتجربة أولية، في النهاية الشاشة معتادة في الفئة الإقتصادية ومش هنقدر نقول عليها تعلق سواء إيجابي أو سلبي.
سعر ومواصفات هاتف هاتف Redmi 9A
يدعم الراديو الـ Fm .
يأتي الهاتف بأبعاد 164.9×77.07×9 ملم مع وزن 196 جرام .
يدعم شريحتين إتصال من نوع Nano Sim .
يدعم شبكات الاتصال الجيل الثاني الـ 2G والجيل الثالث الـ 3G والجيل الرابع الـ 4G .
الخامات المستخدمة في تصنيع الهاتف تأتي من البلاستيك بالكامل كما هو معتاد في هذه السلسلة فهي موجه للفئة الاقتصادية .
الشاشة تأتي بشكل النوتش الـ Water Drop وتأتي بمساحة 6.53 إنش وتأتي من نوع IPS LCD مع جودة الـ HD+ بدقة 720×1600 بكسل بمعدل كثافة بكسلات 269 بكسل لكل إنش وتدعم الشاشة أبعاد العرض بنسبة 20:9 وتدعم الشاشة وضع الـ Dark Mode مع دعم الشاشة لأكثر من وضع للعرض حيث تدعم وضع الـ Standard mode والـ Reading mode والـ Sunlight mode مع إمكانية التحكم الكامل بالتأكيد في درجة حرارة اللون الـ Color temperature adjustment .
يأتي الهاتف بذاكرة صلبة بسعة 32 جيجا بايت من نوع eMMC 5.1 مع ذاكرة عشوائية بسعة 2 جيجا بايت من نوع LPDDR4X .
يدعم إمكانية زيادة المساحة التخزينية عن طريق كارت ميموري في منفذ مخصص .
أما عن الأداء فالهاتف يأتي بمعالج من شركة ميديا تيك من نوع MediaTek Helio G25 بتكنولوجيا 12 نانو مع معالج رسومي من نوع PowerVR GE8320 فهو نفس المعالج الرسومي الموجود في الـ Helio P35 .
الكاميرا الأمامية تأتي بدقة 5 ميجا بكسل بفتحة عدسة F/2.2
الكاميرا الخلفية تأتي بارزة قليلاً عن ظهر الهاتف وتأتي بدقة 13 ميجا بكسل مع فلاش أحادي من نوع ليد فلاش .
يدعم الهاتف تصوير الفيديوهات بجودة الـ FHD بدقة 1080 بكسل بمعدل التقاط 30 و60 إطار في الثانية والتصوير بجودة الـ HD بدقة 720 بكسل بمعدل التقاط 30 إطار في الثانية .
الواي فاي يأتي بترددات الـ b/g/n مع دعمه لخاصية الـ hotspot والـ WiFi Direct .
البلوتوث يأتي بإصدار 5.0 مع دعمه لخاصيتي الـ A2DP, LE .
يدعم تحديد الموقع الجغرافي الـ GPS كما يدعم الـ A-GPS, GLONASS, BDS .
وسائل الأمان والحماية: يدعم الهاتف خاصية الـ Face Unlock لفتح الهاتف عن طريق وجهك .
المستشعرات التي يدعمها الهاتف: يدعم مستشعر التسارع والقرب .
كما يدعم منفذ الـ 3.5 ملم الخاص بسماعات الاذن .
منفذ الـ USB يأتي من النوع الأقدم الـ Micro USB مع دعمه لخاصية الـ OTG .
البطارية تأتي بسعة 5000 مللي أمبير مع دعمه للشحن بقوة 10 واط .
يأتي الهاتف بنظام تشغيل اندرويد 10 مع واجهة شاومي الـ MIUI 12 .
يتوفر الهاتف باللون الأخضر وباللون الأزرق وباللون الأسود .
السعر حوالي 1600 جنية
الموبايل بيقدم خامات خارجية من البلاستيك اللامع أو البولي كاربونيت وزي ما ذكرت هي خامات معتادة جدا في الفئة السعرية الإقتصادية الي بينافس فيها الـ Realme c12، التصميم كشكل هو مميز جدا وترتيب عدسات الكاميرات مختلف وغير معتاد ( رصة الكاميرات الخلفية )، على عكس الريلمي إكس3 سوبر زوم الي كان تصميمو نسخ ولصق من الريلمي 6 برو او الريلمي C3i او الـ C3.
الشاشة دقتها وجودتها مقبولين جدا خصوصا إن فيه موبيلات بسعر أغلى وبتقدم نفس نوع النوع الشاشة وبجودة ممكن أقل كمان ودي نقطة إيجابية في الموبايل عكس الريلمي X3 الي كانت الشاشة فيه نقطة سلبية فظيعة، الشاشة كتجربة أو كإستخدام كويسة جدا كتجربة أولية، في النهاية الشاشة معتادة في الفئة الإقتصادية ومش هنقدر نقول عليها تعلق سواء إيجابي أو سلبي.
هاتف Infinix Hot 9
أعلنت شركة انفنكس عن هاتفها الجديد الـ Infinix Hot 9 والذي يأتي في سلسة الـ Hot ليكون الجيل الأحدث من الـ Hot 8 السابق والذي تنافس به الشركة بشكل خاص في الفئة الاقتصادية حيث يأتي الهاتف لأول مرة بشاشة ثقب في سلسلة الـ Hot الاقتصادية مثل الذي رايناه مسبقًا في الـ Infinix S5 مع أحدث نظام تشغيل اندرويد 10 مع واجهة انفنيكس الأحدث الـ XOS 6.0 مع كاميرا خلفية رباعية بتصميم عصري مشابه للهواتف الأعلى منه مع بطارية ضخمة بسعة 5000 مللي أمبير
صرحت الشركة بأنه تم تحسين استهلاك البطارية 20% مع تحسين وضع توفير الطاقة الـ Smart Power Save بنسبة 10% لاستخدام وتوفير أكبر من الإصدارات السابقة فدعونا نستعرض المواصفات الكاملة لهاتف Infinix Hot 9
سعر ومواصفات هاتف Infinix Hot 9
يدعم الراديو الـ Fm .
يأتي الهاتف بأبعاد 165.4×76.8×8.8 ملم مع وزن 185 جرام .
يدعم الهاتف شريحتين إتصال من نوع Nano Sim .
يدعم انفنكس هوت 9 شبكات الجيل الثاني الـ 2G والجيل الثالث الـ 3G والجيل الرابع الـ 4G .
تم تصنيع الهاتف من البلاستيك اللامع المشابه للزجاج كما إعتدنا من انفنكس في سلسلة الـ Hot .
الشاشة تأتي بشكل الثقب مثل الذي رايناه مسبقًا في الـ infinix S5 وتأتي بشاشة من نوع IPS LCD بمساحة 6.6 إنش بجودة الـ HD+ بدقة 720×1600 بكسل بمعدل كثافة بكسلات 268 بكسل لكل إنش وتدعم الشاشة الأبعاد الجديدة بأبعاد 20:9 كما يدعم الهاتف الـ Dark mode الخاص بتحويل الهاتف بالكامل إلى الوضع المظلم وهذه أحد خصائص اندرويد 10 الجديد .
يأتي بذاكرة صلبة بسعة 64 جيجا بايت مع ذاكرة عشوائية بسعة 4 جيجا بايت . – الذاكرة الصلبة تأتي من نوع eMMC 5.1 . – يدعم إمكانية زيادة المساحة التخزينية عن طريق كارت ميموري حتى سعة 256 جيجا بايت .
الكاميرا الخلفية تأتي بكاميرا رباعية حيث تأتي الكاميرا الأولى بدقة 16 ميجا بكسل وهي الكاميرا الأساسية للهاتف أما عن الكاميرا الثانية فتأتي بدقة 2 ميجا بكسل وهي الخاصة بعمل التصوير المايكرو أما عن أما عن الكاميرا الثالثة فتأتي بكاميرا 2 ميجا بكسل وهي الخاصة بعمل العزل والبورتريه أما عن الكاميرا الرابعة فهي عبارة عن مستشعر Low light camera للتصوير في الإضاءة الضعيفة والخافتة مع فلاش ثلاثي من نوع ليد .
الأداء يأتي الهاتف بمعالج من شركة ميديا تيك الحديث من نوع Helio A25 بتكنولوجيا 12 نانو أما عن المعالج الرسومي فيأتي من نوع PowerVR GE8320 والمعالج الرسومي وهو نفسه المعالج الموجود في انفنكس هوت 8 القديم و الـ Honor 8A والـ Huawei Y6s كما يدعم الهاتف وضع تعزيز أداء الألعاب عن طريق الـ Game Mode .
يدعم الهاتف إمكانية تصوير الفيديوهات بجودة الـ FHD بدقة 1080 بكسل بمعدل التقاط 30 إطار في الثانية .
البلوتوث يأتي بإصدار 5.0 مع دعمه لخاصيتي الـ A2DP, LE .
يدعم الواي فاي بترددات الـ a/b/g/n/ac كما يدعم الـ Dual-band, Wi-Fi Direct, hotspot .
منفذ الـ USB يأتي من نوع Micro USB بالإصدار الثاني كما يدعم خاصية الـ OTG .
يدعم منفذ الـ 3.5 ملم الخاص بسماعات الاذن ويأتي في الأسفل بجوار منفذ الـ USB .
الصوت يأتي ستريو بتقنية الـ DTS Audio .. ونتوقع اداء صوتي جيد من الهاتف .
وسائل الأمان: يدعم الهاتف مستشعر البصمة ويأتي في ظهر الهاتف كما يدعم خاصية الـ Face Unlock .
يدعم الهاتف معظم المستشعرات الأخرى مثل: التسارع والقرب والبوصلة والجيروسكوب الخاص بنظارات الواقع الافتراضي الـ VR .
يدعم الهاتف تحديد الموقع الجغرافي الـ GPS كما يدعم الـ A-GPS .
البطارية تأتي بسعة 5000 مللي امبير مع قوة شحن 10 واط ومنفذ شحن Micro USB .
يأتي الهاتف بنظام تشغيل Android 10.0 مع واجهة انفنيكس الـ XOS 6.0 .
يتوفر الهاتف باللون الأخضر وباللون البنفسجي وباللون الأزرق وباللون الأسود .
السعر حوالي 2350 جنية للنسخة 64 جيجا مع 4 جيجا رام .
كده نكون لمينا أفضل 5 موبايلات بالفئة السعرية الإقتصادية، إنتظرونا في ترشيحات كتير قريب جدا !
شاركنا برأيك بالتعليقات ولا تنسى متابعة صفحة ميكسلز للحصول على أحدث الأخبار عن الهواتف الجديدة .
