التصنيفات
التوصيات

أفضل هواتف الفئة الإقتصادية | أحسن موبايلات بسعر 2000 جنيه بالسوق المصري !

نرجع تاني لموضايع ” أفضل هواتف الفئة الإقتصادية ” الموبايلين اللي هنراجعهم النهاردة من شركة Honor إتعملهم مؤتمر في مصر من شهر وإتعلن عن أسعارهم الي تعتبر رخيصة جدا، ولكن فعليًا هما لسه نازلين السوق من كام يوم، الموبايلات دي هي Honor 9A و Honor 9C، خلينا نشوف مميزات وعيوب كل موبايل فيهم بكل صراحة وهقولك رأيي في السعر برده متقلقش.

مبدأيا بس حابب أوضح إن الموبايلات دي جايه بخدمات هواوي ومفيهاش خدمات جوجل، تقدر تحمل تطبيقاتك من الـApp Gallery، طبعًا الكلام ده لا يسري على البرامج الأساسية لجوجل اللي مش هتقدر تعوضها ولازم بدايل على سبيل المثال الـYoutube Studio، تاني حاجة حابب أتكلم عنها هي خاصية الـNFC اللي ساعات بتكلم عنها في مراجعات الموبايلات، وبإختصار الميزة دي مُهمة جدًا لإن أنت عارف دلوقتي عداد الكهرباء بكارت وشوية وهيبقى عداد المياه كمان بكارت عند الكل وهكذا.

أفضل هواتف الفئة الإقتصادية

فا بدل ما بتنزل مخصوص تشحن الكارت، من خلال خاصية الـNFC بتقدر تشحن الكارت علطول من موبايلك من غير ما تنزل من البيت، ده غير إنها طريقة أمنة جدًا للدفع الـ لا تلامُسي من غير ما تطلع كارت الفيزا بتاعك، الميزة ديه خلال سنتين مش هتقدر تتعايش من غيرها ولازم تبقى موجودة على كل الموبايلات، الميزة ديه بقى موجودة في الـ 9A والـ 9C، ودول كده يعتبروا من أفضل هواتف الفئة الإقتصادية الي فيها الميزة دي .


1- موبايل Honor 9A

وزي كل مرة بنتكلم فيها عن أي موبايل في قسم التوصيات خصوصا موضايع ” أفضل هواتف الفئة الإقتصادية ” هنتكلم الاول عن مميزاتو ونذكر سعرو ومواصفاتو وأخيرا عيوبو خلونا نتكلم أكتر عن الـ Honor 9A.


Honor 9A

مميزات موبايل Honor 9A :-

  • أول ميزة هي التصميم الشيك، صعب جدا تحس إن ده موبايل بـ2000 جنية، طبعًا من البلاستيك بس بصراحة بلاستيك نظيف وخامات مُحترمة جدا، مفيش بروز كاميرات وكمان في جراب في العلبة، الموبايل مصروف جامد على خاماته الخارجية.
  • لشاشة نظيفة من ناحية الـQuality، وده باين من سطوعها العالي تحت الشمس، وألوانها الكويسة جدًا اللي ممكن تكون من أفضل الشاشات بالسعر ده من ناحية جودة تباين الألوان، طبعًا كان الافضل تكون FHD+ ولكن تظل ممتازة فعلا بالنسبة لسعرها.
Honor 9A specs
  • البصمة والـFace Unlock، أدائهم معقول، حاطتهم في المميزات علشان مكانهم مش العيوب بس مش أكتر.
  • صوت الموبايل عالي جدًا، اعلى من الـHonor 9C الأغلى منه، صوته بجد عجبني جدًا جدًا.
  • في ميكروفون إضافي لعزل الضوضاء، أيوة دي تعتبر ميزة بالسعر ده علشان في موبايلات تانيه كتير اوي في الفئة دي مفهياش الميكروفون ده.
  • بطارية ضخمة بتيجي بحجم 5000 مللي أمبير مُحترمة جدا هتكمل معاك 8 ~ 9 ساعات شاشة مفتوحة مستريح جدًا، يعني يوم أو يوم ونص لو إستخدامك خفيف، كويس جدًا.


عيوب موبايل Honor 9A :-

  • أول عيب المعالج المستخدم ميدياتيك Helio P22 واحنا في أخر 2020، ممكن تتقبل فكرة وجود المعالج ده في موبايل في فئة الـ1000 جنية، إنما 2000 لأ صعب، لإن في موبايلات تانية مُنافسة بمعالجات أقوى بكتير.
  • الأداء الرسومي بتاع المعالج ضعيف بيشغل ببجي على اقل إعدادات جرافيك وكذلك الحال كول اوف ديوتي، وهتحس بتقطيعات ومش هتتبسط من الأداء الرسومي خالص
  • كاميرات الفئة السعرية دي بتبقى تعبانة شويتين، الموبايل جاي بـ كاميرا خلفية ثُلاثية الأساسية 13 ميجا بيكسل بفتحة عدسة F/1.8 والتانية 5 ميجا بيكسل للتصوير الواسع والأخيرة بتيجي بدقة 2 ميجا بيكسل وهي مُخصصة للعزل، والسيلفي 8 ميجا بيكسل فتحة عدسة F/2.0.
Honor 9A price
  • الشاحن بيجي بقوة 10 وات ومنفذ الشحن Micro USB 2.0، بس خلينا نتفق إن بالسعر ده المعظم بيجي بنفس قوة الشحن دي وبنفس والمنفذ ده بس برده الكلام ده مش بيعجب بعض الناس، فا كان لازم أذكر الحته دي وطبعًا البطارية علشان كبيرة شوية فا هي بحجم 5000 مللي امبير وهتشحن في 3 ساعات وشوية.
  • غياب خدمات جوجل، وممكن أعتبرها مش عيب لو انت هتتعايش وتحمل كل البرامج اللي أنت عايزها من برنامج App Gallery زي ما أنا وضحتلك فوق.
إقرأ أيضاً  أفضل موبايلات الفئة المتوسطة من سعر 5000 لـ 7000 جنيه | منافسة شرسة بالسوق المصري !

الموبايل ده بالنسبة للمنافسين فا هو أضعف حاجه فيه هي المعالج، نقطة مُتأخره جدًا على كل المنافسين، بس بقيت النقط هو يقدر يسد فيها عادي، وأكتر 3 حاجات عجبوني في الموبايل هم الخامات الخارجية النضيفة وجودة التقفيل مع الصوت العالي ودعم الـNFC.


2- موبايل Honor 9C

وزي كل مرة بنتكلم فيها عن أي موبايل في قسم التوصيات هنتكلم الاول عن مميزاتو ونذكر سعرو ومواصفاتو وأخيرا عيوبو خلونا نتكلم أكتر عن الـ Honor 9C.


Honor 9C

مميزات موبايل Honor 9C :-

  • التصميم ألوانه شيك، خامة خارجية بتيجي من البلاستيك بس متينه، ولكن تظل بلاستيك (بصراحة البلاستيك صعب يكون ميزة ولكنه مش عيب).
  • المعالج كيرن 710A اللي كلكم عارفينه، هو هنا حقق Score قليل شوية على Antutu معرفش ليه، ولكن يظل أداءه معقول، أدائه مش أقل بكتير عن الـG70 والـG80 الموجودين في الفئة السعرية دي.
  • أداءه الرسومي برده معقول جدًا، ببجي بتشتغل على اعدادات High HD وبتشتغل كويس جدًا، وكول اوف ديوتي بتشتغل برده كويس على المعالج اللي هنا.
Honor 9C specs
  • الكاميرا الخلفية هي ثلاثية، الأساسية 48 ميجا بيكسل فتحة عدسة F/1.8 والتانية 8 ميجا بيكسل للتصوير الواسع والأخيرة 2 ميجا بيكسل للعزل.
  • الموبايل أكيد فيه بصمة سريعه وFace Unlock سريع، وده من ضمن الحاجات العادية اللي في الموبايل ده.
  • دعم الـNFC.


عيوب موبايل Honor 9C :-

  • لا يدعم خدمات جوجل بشكل رسمي لذلك لن تستطيع استخدام سواء المتجر أو خرائط جوجل أو اليوتيوب أو أي تطبيق له صلة بشركة جوجل .
  • ستستغرق وقت أطول لشحن البطارية بسبب قوة الشحن الـ 10 واط .
  • لا يدعم الجيروسكوب .
  • لا يدعم لمبة اشعارات .
  • منفذ USB قديم من نوع Micro USB بالرغم من قدوم هواتف منافسة بمنفذ أحدث .
  • معالج قديم نسبيا موجود في معظم الهواتف الاقتصادية .. يقدم اداء مقبول في الاستخدام اليومي لكن يقدم اداء ضعيف في الألعاب خصوصا بوجود منافسين من شاومي و ريلمي بمعالجات أقوى مثل Redmi 9 و Realme C3i .
  • يعتبر الهاتف نسخة طبق الأصل من Huawei Y6p بدون أي جديد يذكر .

سعر Honor 9C

والموبايل مفيهوش ميزة حقيقية تديلة نقطة تفوق أو أفضلية عن المُنافسين غير الـNFC، لإن هونر هي اللي حطت الموبايل ده في منافسة صعبة عليه جدًا بسبب التسعير بتاعه مش أكتر ولكن خلونا نكون متفقين إن الـ Honor A9 يعتبر فعلا من أفضل هواتف الفئة الإقتصادية.

تعرف أيضا على ” هواتف تقدم قيمة مقابل السعر


متنساش تتابعنا على صفحة ميكسلزعشان يوصلك كل جديد عن الموبايلات والتكنولوجيا بشكل أسرع !

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *