إطلاق هاتف Realme X3 Superzoom | معالج ممتاز ولكن ؟
خلال يومين سابقين تحديدا شركة ” ريلمي ” أطلقت في آخر مؤتمر ليها في مصر عدة أجهزة وسماعات وباند جديدة من ريلمي ، خلال المؤتمر ريلمي أطلقت عن موبايلها الجديد ” Realme X3 Superzoom ” كأغلى موبايل ليها في السوق المصري والمنتظر بشكل كبير في الفترة الأخيرة خصوصا إن كان فيه ركود من الشركة في الإطلاق في السوق المصري بسبب مشاكل كوفيد-19 .
أطلقت ريلمي في المؤتمر موبايل تاني وهو ” الـ Realme C11 ” وهنا أكيد بنتكلم عن طفرة في سلسلة الـC من الريلمي C3 للـ C11 ، خلال الموضوع الحالي هنتكلم عن الريلمي X3 سوبر زوم ، هنتكلم عن المواصفات بشكل كامل وكمان زي ما متعودين هنعمل مراجعة سريعة على أهم نقط المواصفات لحد ما نجرب الموبايل بشكل كافي ونعمل المراجعة الكاملة قريبا !
مواصفات الهاتف :-
- وزن هاتف Realme X3 Superzoom تقريبا 202 جرام وده يعتبر وزن ثقيل نسبيا بالنسبة لفئته السعرية
- أبعاد الهاتف ( 163.8×75.8×8.9 مم )
- الهاتف بيدعم لتركيب شريحتين إتصال من الجيل الرابع ولا يدعم تركيب كارت ميموري
- خامات تصميم خارجية من الزجاج من الأمام والخلف مع فريم بلاستيك المقوى
- شاشة الهاتف IPS LCD بحجم 6.6 بوصة بدقة 1080×2400 بيكسل وبجودة FHD+
- كثافة بيكسلات 399 بيكسل لكل بوصة وابعاد عرض 20:9 ومعدل تحديث 120 هيرتز
- نسبة إستحواذ للشاشة تصل الى 90.5% من واجهة الهاتف، والشاشة كاملة وكاميرا السيلفي في ثُقب مُزدوج زي تصميم الريلمي 6 برو
- طبقة حماية على شاشة الريلمي X3 من نوع Corning Gorilla Glass الجيل الخامس
- الهاتف يأتي مع معالج كوالكوم سناب دراجون 855+ ثماني النواة الأقوى فيهم Kryo 485 بتردد 2.96 جيجا هيرتز، ودقة التصنيع 7 نانو ميتر
- المعالج الرسومي هو Adreno 640 والي هيكون مستقر جدا مع معالج كوالكوم
- الهاتف يأتي مع اندرويد 10.0 مع أحدث واجهة من ريلمي ” Realme UI “
- مساحة تخزين 256 جيجا مع 12 جيجا رام والذاكرة الداخلية من نوع UFS 3.0
- كاميرا امامية مزدوجة، الأولى بدقة 32 ميجا بيكسل بفتحة عدسة F/2.5
- الكاميرا الثانية بدقة 8 ميجا بيكسل بفتحة عدسة F/2.2 وهي Ultra Wide للتصوير العريض، والكاميرا تدعم HDR وPanorama وتصوير فيديوهات بجودة [email protected] مع دعم للمثبت الإلكتروني
- كاميرا خلفية رُباعية، الأولى بدقة 64 ميجا بيكسل بفتحة عدسة F/1.8 بمستشعر سامسونج GW1، والثانية بدقة 8 ميجا بيكسل بفتحة عدسة F/3.4 وهي Telephoto لعمل زوم 5X اوبتيكال وزوم 60X عن طريق السوفت وير والعدسة بها مُثبت بصري
- الكاميرا الثالثة بدقة 8 ميجا بيكسل بفتحة عدسة F/2.3 وهي Ultra Wide للتصوير الواسع، اما الأخيرة بدقة 2 ميجا بيكسل بفتحة عدسة F/2.4 وهي ماكرو للتصوير عن قُرب
- الكاميرات تدعم فلاش LED وHDR وPanorama وتصوير فيديوهات بجودة [email protected] مع دعم للمثبت الإلكتروني
- الهاتف لا يدعم منفذ السماعات الـ3.5 مللي
- الهاتف يدعم الـNFC
- بصمة الإصبع موجودة على زرار الباور
- بطارية من نوع ليثيوم بوليمر بحجم 4200 مللي امبير تدعم الشحن السريع بقوة تصل الى 30 وات عن طريق منفذ USB Type C
- الوان الهاتف الأزرق والأبيض
مراجعة سريعة للهاتف :-
خلونا نتفق إني جربت موبايل Realme X3 Superzoom بالفعل وأول نقطة سلبية كانت في التصميم ، الموبايل بتصميم كامل من الزجاج ولكن ليه فريم من البلاستيك في موبايل ب10000 جنيه تقريبا ؟ كمثال بنلاقي إن في موبايل زي Huawei Nova 7 بيقدم خامات أفضل مع سعر أرخص كمان ، النقطة السلبية التانية في التصميم وهي إنو تقليدي بشكل كبير زيو زي الريلمي 6 برو والي هو بأقل من نصف ثمن الريلمي X3 سوبر زوم .
بالنسبة للشاشة الـX3 فللأسف انا حتى مستوعبتش إنها IPS LCD، وهنا بنتكلم في نقطة سلبية قوية جدا في الموبايل والي هو من المفترض يكون منافس للهواتف المتوسطة العليا من شركات زي شاومي وهواوي ومع كده الشاشة للأسف من النوع ده، الشاشة فيها نقطة إيجابية وهي الـ 120 هيرتز ولكن مش هتغني عن الشاشة الـ AMOLED الي المفروض انها بتقدملك تجربة عرض ومشاهدة لا تقارن بالـ IPS .
بالنسبة لأداء الريلمي X3 الموبايل بيقدم أداء رائع جدا ومنافس فعلا لفئته، المعالج المستخدم في الريلمي x3 كان اقوى معالج للربع الأخير من سنة 2018، في كل الحالات بيقدم أداء ممتاز جدا ده غير إنه بيدعم خاصية الـ 5G ولكن للاسف مش هتستفاد بيها لو انت في مصر، انا لحد دلوقتي شايف إن Poco F2 Pro بيقدم أداء أفضل من الريلمي X3 SuperZoom وده هيبان أكتر في المراجعة الكاملة،البطارية ممتازة جدا بحجم 4200 ملي امبير وكمان الموبايل بيدعم الشحن السريع لحد 30 وات.
موبايل Realme X3 Superzoom بيقدم كاميرات ممتازة جدا، الكاميرات بتقدم كل وظائفها بشكل مقبول وعدسة الزوم الجديدة من ريلمي تعتبر ميزة قوية جدا في الموبايل، لكن بالنسبة للعدسة الأساسية فللأسف تقليدية تماما بحيث إن المستشعر المستخدم في الإكس 3 هو نفس المستشعر المستخدم في هواتف كتيرة جدا في الفئة المتوسطة ومن شركة ريلمي نفسها، ولكن خلونا منستعجلش في الحكم وننتظر المراجعة التفصيلية يمكن المعالج هيقدم تجربة أفضل من نوع المستشعر.
سعر الهاتف وموعد الإطلاق :-
سعر الهاتف عالميا بالنسبة للنسخة المتوفرة $680 وتم تسعير هاتف Realme X3 Superzoom الجديد بشكل رسمي في السوق المصري للنسخة الـ256 جيجا مع 12 جيجا رام بسعر 9590 جنية مصري، وسيبدأ الحجز المُسبق على الهاتف من 13 اغسطس الى 15 اغسطس مع هدية Realme Band في الحجز المُسبق، وتقدر تشتري الموبايل من الأسواق بشكل عادي خلال بداية شهر سبتمبر.
تعرف معنا على هاتف Vivo S7 الجديد
فيديو الإعلان عن هاتف Realme X3 Superzoom :-
مُراجعة كاملة لهاتف Realme X3 Superzoom قريبًا !
شاركنا برأيك بالتعليقات ولا تنسى متابعة صفحة ميكسلز للحصول على أحدث الأخبار عن الهواتف الجديدة .