شركة شاومي خلال الأيام السابقة أطلقت بشكل رسمي موبايلها الجديد Xiaomi Poco X3 NFC كموبايلها الجديد في الفئة المتوسطة، لأول مرة هنكون مهتمين بسلسلة الـ X من شاومي والي مكانتش بتنزل في مصر اصلا، كنا متوقعين نزول موبايل Poco F2 او F3 في السوق المصري ولكن ده محصلش للأسف وكان الـ Poco F1 هو الوحيد للمنافسة ساعتها وحقق بالفعل نجاح كبير ولكن للاسف السلسلة اتنست.
خلونا نتكلم شوية عن سلسلة الـ X ودي سلسلة جديدة من شاومي أطلقتها من فترة قريبة والي كانت المفروض سلسلة للموبايلات الفلاجشيب، ودلوقتي بنشوف موبايل الـ X3 مع البوكو الجديد في الفئة المتوسطة والي بيقدم مواصفات قوية جدا وجديدة، بحيث إن الـ Xiaomi Poco X3 NFC بييجي بمعالجات ومواصفات جديدة ومشوفناش حاجات زي كدة من فترة كبيرة.
مواصفات Xiaomi Poco X3 NFC :-
- وزن الهاتف 215 جرام
- أبعاد الهاتف هي 165.3×76.8×9.4 مم
- خامات الهاتف من البلاستيك البولي كاربونيت مع فريم الومنيوم
- الهاتف مُقاوم لطرطشة الماء والغُبار بمعيار IP53
- دعم لتركيب شريحتين إتصال 4G او شريحة واحدة مع كارت ميموري بحجم 256 جيجا
- شاشة الهاتف تأتي من نوع IPS LCD بحجم 6.67 بوصة بدقة 1080×2400 بيكسل وبجودة FHD+
- كثافة بيكسلات 395 بيكسل لكل بوصة وابعاد عرض 20:9 والشاشة كاملة والسيلفي في ثُقب في المنتصف
- الشاشة تدعم HDR10 وتدعم معدل تحديث يصل الى 120 فريم في الثانية، كما تصل الشاشة الى سطوع 450 شمعة
- طبقة الحماية الموجودة على الشاشة هي Corning Gorilla Glass الجيل الخامس
- معالج كوالكوم سناب دراجون 732G الجديد ثماني النواة الإثنين الأقوى بتردد 2.3 جيجا هيرتز من نوع Kryo 470 Gold
- المعالج الرسومي هو Adreno 618
- الهاتف يدعم التبريد المائي LiquidCool Technology 1.0 Plus
- واجهة شاومي MIUI 12 المبنية على نظام تشغيل اندرويد 10
- مساحة تخزين 64 جيجا او 128 جيجا مع 6 جيجا رام والذاكرة من نوع UFS 2.1
- كاميرا سيلفي 20 ميجا بيكسل فتحة عدسة F/2.2 تدعم HDR وتصوير فيديوهات بجودة 1080p@30fps
- كاميرا خلفية رُباعية، الأساسية 64 ميجا بيكسل بفتحة عدسة F/1.9 بمستشعر Sony IMX682، الثانية بدقة 13 ميجا بيكسل بفتحة عدسة F/2.2 وهي Ultra Wide للتصوير العريض، الثالثة 2 ميجا بيكسل بفتحة عدسة F/2.4 وهي ماكرو، الأخيرة 2 ميجا بيكسل بفتحة عدسة F/2.4 وهي مُخصصة للعزل
- الكاميرا الخلفية تدعم فلاش LED ثُنائي وHDR وPanorama وتصوير فيديوهات بجودة 2160p@30fps مع دعم للمثبت الإلكتروني
- الهاتف يدعم سماعات خارجية Stereo
- الهاتف يدعم منفذ السماعات الـ3.5 مللي
- الهاتف يدعم الـNFC
- الهاتف يدعم IR Blaster للتحكم في الأجهزة الكهربائية
- بصمة الإصبع موجودة على زِر الباور مع دعم للـFace Unlock
- بطارية ليثيوم بوليمر بحجم 5160 مللي امبير تدعم الشحن السريع بقوة 33 وات عن طريق منفذ الشحن الـUSB Type C
- الوان الهاتف الأزرق والرمادي فقط
سعر موبايل Xiaomi Poco X3 NFC
تم تسعير هاتف Poco X3 NFC بشكل رسمي في الخارج للنسخة الـ64 جيجا مع 6 جيجا رام بسعر 230 يورو او حوالي 4300 جنية مصري، اما النسخة الـ128 جيجا مع 6 جيجا رام فتم تسعيرها بسعر 270 يورو او حوالي 5000 جنية مصري.
مراجعة سريعة للـ Xiaomi Poco X3 NFC :-
الموبايل بيقدم خامات خارجية جيدة مش الأفضل هي من البلاستيك اللامع ( البوليكاربونيت ) ولكن الموبايل متقفل كويس جدا بحيث يكون مقاوم لقطرات الماء او الغبار، شكل التصميم الخارجي عصري جدا ومميز، بالنسبة للشاشة هي مش الأفضل كنوع لكن كمواصفات هتكون راضي بيها جدا وكمان هي بتتميز بالمعدل المرتفع للتحديث ده غير إن التصميم نفسو جديد بالنسبة للشاشة كمان.
تعرف من هنا على أفضل موبيلات متوسطة في السوق المصري حاليا
بالنسبة للأداء فالمعالج الموجود هنا هو معالج جديد كليا من كوالكوم، هو بيقدم أداء أقوى بشكل ملحوظ من الـ Snapdragon 730G الي هو حاليا أقوى معالج متوسط من كوالكوم بيدعم الـ 4G، طبعا مش بيعدم شبكات الجيل الخامس او الـ 5G وده أكيد عشان ميكونش بتكلفة أكبر، ميزة قوية جدا في المعالج انو بييجي بتبريد مائي وده مش هيخليك تحس بسخونة في الموبايل بعد الإستخدام المكثف فترة طويلة.
بالنسبة للبطارية فهي تعتبر ممتازة جدا، كسعة هي كبيرة بالفعل وكسرعة شحن هي ممتازة بحيث إنك تقدر تشحن الموبايل لـ 60% وانت بتسخدمو وفي 32 دقيقة بس أو نص ساعة تقريبا، والموبايل بيتم شحنو بالكامل من الـ0 للـ 100% خلال ساعة و5 دقايق فقط، بشكل عام البطارية جيدة وأصلا المعالج موفر بشكل كبير للطاقة فهتلاقي إستخدام كويس للبطارية.
وأخيرا بالنسبة للكاميرا الخلفية، المستشعر المستخدم في العدسة الأساسية هو مستشعر جديد من Sony، شوفنا المستشعر ده قبل كده في موبايلات من سامسونج وريلمي وكان أدائو مقبول جدا، لكن من حيث التجربة الفعلية مش هنقدر نحكم عليه اوي ولكن كمواصفات على الورق هيكون مديك تجربة كويسة، بالنسبة لكاميرا السيلفي هي كأرقام عادية ولكن لسا بردو لما نشوف تجربة الإستخدام الفعلية بعد ما نراجع الموبايل.
فيديو الإعلان عن موبايل Xiaomi Poco X3 NFC
عند نزول الهاتف في مصر هيكون فيه مُراجعة كاملة للـ Poco X3 قريبًا !
شاركنا برأيك بالتعليقات ولا تنسى متابعة صفحة ميكسلز للحصول على أحدث الأخبار عن الهواتف الجديدة .