إطلاق هاتف Samsung Galaxy M51 رسميا | خليفة سلسلة الـ A

شركة Samsung أعلنت بشكل رسمي عن موبايلها الجديد في سلسلة الـ M وهو الـ Samsung Galaxy M51، خلونا قبل ما نتكلم عن الموبايل نفسو نتكلم عن سلسلة الـ M والي ممكن متكونش سمعت عنها قبل كده، سلسلة الـM هي خليفة سلسلة الـA القديمة من سامسونج والي يعتبرو الإتنين موبايلات سامسونج المتوسطة العليا والمتوسطة والإقتصادية.

الـ Galaxy M51 تم الكشف عن سعره الرسمي مع الإعلان، الموبايل بيقدم مواصفات أكتر من الموبايل السابق ليه في الفئة والي هو كان الـ Samsung A71 مع طبعا Upgrade لنقاط قوة كتير في الموبايل أو السلسلة بشكل عام، السامسونج جلاكسي M51 بيقع في نفس الفئة السعرية الي كان بينافس فيها الـ A71 والي تعتبر مفهاش منافسين اصلا في الوقت الحالي وكل الموجود حاليا موبايلات قديمة نسبيا.

---

مواصفات Samsung Galaxy M51 :-

• وزن 213 جرام مع ابعاد 163.9×76.3×9.5 مم
• خامات الهاتف الخارجية تأتي من البلاستيك البولي كاربونيت
• الهاتف يدعم تركيب شريحتين إتصال 4G مع كارت ميموري بحجم 512 جيجا في نفس الوقت
• شاشة الهاتف من نوع Super AMOLED بحجم 6.7 بوصة بدقة 1080×2400 بيكسل بجودة FHD+
• كثافة بيكسلات 393 بيكسل لكل بوصة وابعاد عرض 20:9 والشاشة كاملة والسيلفي في ثُقب

• طبقة حماية Corning Gorilla Glass الجيل الثالث على الشاشة
• معالج كوالكوم سناب دراجون 730G ثماني النواة، الإثنين الأقوى Kryo 470 Gold بتردد 2.2 جيجا هيرتز ودقة التصنيع هي 8 نانو ميتر والمعالج الرسومي هو Adreno 618
• مساحة تخزين 128 جيجا مع 8 جيجا رام
• واجهة One UI 2.1 مع أندرويد 10
• كاميرا سيلفي بدقة 32 ميجا بيكسل بفتحة عدسة F/2.0 تدعم HDR وتصوير فيديوهات بجودة [email protected]
• كاميرا خلفية رُباعية، الأولى 64 ميجا بيكسل بفتحة عدسة F/1.8 بمستشعر سوني IMX682، الثانية 12 ميجا بيكسل بفتحة عدسة F/2.2 وهي Ultra Wide للتصوير العريض، الثالثة 5 ميجا بيكسل بفتحة عدسة F/2.4 وهي ماكرو، الأخيرة 5 ميجا بيكسل بفتحة عدسة F/2.4 وهي مُخصصة للعزل

• الكاميرات تدعم فلاش LED وHDR وPanorama وتصوير فيديوهات بجودة [email protected]
• الهاتف يدعم منفذ السماعات الـ3.5 مللي
• بصمة الإصبع في الهاتف موجودة على زِر الباور
• الهاتف يدعم الفتح عن طريق الوجه او الـFace Unlock
• بطارية ليثيوم بوليمر بحجم 7000 مللي امبير تدعم الشحن السريع بقوة 25 وات عن طريق منفذ الشحن الـUSB Type C كما تدعم الشحن العكسي
• الوان الهاتف الإسود والأبيض

---

مراجعة سريعة للـ Samsung Galaxy M51 :-

مبدأيا كده الموبايل بيقدم خامات من البلاستيك ودي جملة يجماعة شكلنا مش هنستغنى عنها الفترة دي خالص لان في أخر موسم للموبايلات مشوفناش أي تحسين في خامات التصنيع الى قليل جدا ومشوفناهوش من شركات كبيرة بردو، التصميم كمان للاسف تقليدي جدا ومش مميز خالص وده شيء مش كويس لإن حتى أغلب الموبايلات الحالية بتغطي على نقطة الخامات في شكل التصميم او هويتو الي بتكون غالبا مميزة زي ما بنشوف من ريلمي وشاومي كمثال.

أما بالنسبة للشاشة فهي كمواصفات ممتازة جدا وهتديك تجربة مريحة وتشبع ألوان كويس جدا بسبب إنها Super AMOLED والي بتيجي بمعدل تحديث 60 هيرتز، كان نفسنا نشوف حاجه أعلى من الـ60 هيرتز مع الشاشة الأموليد ولكن شكل ده مش هيتحقق في وقت قريب حتى، ولو عاوز شاشة بمعدل تحديث أفضل هتروح لموبايلات بشاشة IPS LCD ولكن لا، انا انصحك بشاشة الـ AMOLED او شاشات سامسونج في الفئة دي أفضل.

بالنسبة للأداء، فالمعالج هنا بيقدم أداء يعتبر كويس جدا في الفئة السعرية دي، مشوفناش لحد دلوقتي معالج أقوى بإستثناء معالج الـ Nova 7 SE من هواواي، ولكن بردو فيه منافسين كويسين جدا زي الـ Nova 5T و Honor 20 وتعتبر هواتف بتتميز بالمعالجات الرائدة ولكن كلنا عارفين ان الموبايلات دي بيعيبها خدمات جوجل فلازم نحط ده في الإعتبار بردو.

---

لو عاوز تعرف أكتر عن الفئة السعرية دي وأفضل موبايلاتها أرشحلك تطلع على ” أفضل موبايلات الفئة المتوسطة من سعر 5000 لـ 7000 جنيه “

---

البطارية هنا كبيرة جدا وكمان بتدعم الشحن السريع، وأخيرا بالنسبة للكاميرات هي كأرقام ومواصفات على الورق مقبولة جدا والمستشعر المستخدم في الكاميرا الأساسية هو مستشعر جديد يعتبر والمستخدم قبل كده في الـ Realme 7 Pro والـ Poco X3 NFC الي اتكلمنا عنو قبل كده، الـ Galaxy M51 في النهاية يعتبر نسخة من الـ Samsung A71 مع تطوير في البصة الي على زرار الباور ومع مستشعر كاميرات أحدث وكاميرات أفضل.

---

فيديو الإعلان الرسمي عن Galaxy M51

---

قريب جدا هيكون فيه مراجعة كاملة للموبايل على موقع وصفحة Mixils

شاركنا برأيك بالتعليقات ولا تنسى متابعة صفحة ميكسلز للحصول على أحدث الأخبار عن الهواتف الجديدة .