التصنيفات
أخبار الموبايلات

إطلاق هاتف Infinix Hot 10 في مصر | موبايل رخيص بس جامد !

شركة Infinix على غير المتوقع بتعلن بشكل رسمي عن موبايلها الجديد Infinix Hot 10 الي بيتوفر بالفعل للحجز المسبق بالسوق المصري، الموبايل هنا مش زي أخر موبايل من إنفنكس إتكلمنا عنو والي كان في الفئة المتوسطة مش الإقتصادية والي كان بيقدم تجربة وإمكانيات ممتازة جدا وكنا بنقول إنو هيكون طفرة فعلا من إنفنكس ولكن للأسف الموبايل منزلش في مصر لحد دلوقتي، ولكن اهو إنفنكس بتنزل من جديد في الفئة الإقتصادية فهل يترى هيكون بهوية جديدة من إنفنكس ولا زي كل مرة ؟

Infinix Hot 10

الموبايل زي ما قولنا هيكون في الفئة الإقتصادية بييجي بمعالج قوي في الألعاب وده إستغلال ممتاز من إنفنكس للمعالجات الجديدة من ميدياتك الي إتصنعت بشكل مخصوص للألعاب وبسعر رخيص جدا، وده شيء ذكي جدا من إنفنكس لأن كده كده السوق المصري في فئة الـ 2000 لـ 3000 جنيه أهم حاجه عندو إن الجهاز يكون بيشغل PUPG Mobile وشوية لعب تانين لأن زي ما احنا عارفين الفئة دي موجهة للشباب جدا، وكده نقدر نقول إنك فعلا بتاخد قيمة مقابل سعر من إنفنكس.


مواصفات Infinix Hot 10 :-

  • وزن 195 جرام مع ابعاد 171.1×77.6×8.9 مم
  • خامات الهاتف الخارجية تأتي من البلاستيك البولي كاربونيت اللامع بالكامل
  • الهاتف يدعم تركيب شريحتين إتصال من الجيل الرابع مع كارت ميموري بحجم 512 جيجا
  • شاشة الهاتف من نوع IPS LCD بحجم 6.78 بوصة بدقة 720×1640 بيكسل وبجودة HD+ مع كثافة بيكسلات 264 بيكسل لكل بوصة وابعاد عرض 20:9 والشاشة كاملة والسيلفي في ثُقب في أعلى اليسار
Infinix Hot 10 specs
  • معالج ميدياتك Helio G70 ثماني النواة، الإثنين الأقوى Cortex A75 بتردد 2.0 جيجا هيرتز، دقة التصنيع 12 نانو ميتر والمعالج الرسومي هو Mali-G52 2EEMC2
  • نظام تشغيل اندرويد 10 بواجهة انفينكس XOS 6.0
  • مساحة تخزين 64 جيجا مع 4 جيجا رام والذاكرة من نوع eMMC 5.1
  • كاميرا سيلفي واحدة بدقة 8 ميجا بيكسل بفتحة عدسة F/2.0 تدعم تصوير فيديوهات بجودة 1080p@30fps
  • كاميرا خلفية رُباعية، الأولى 16 ميجا بيكسل بفتحة عدسة F/1.9 والثانية 2 ميجا بيكسل وهي ماكرو للتصوير عن قُرب، والثالثة 2 ميجا بيكسل بفتحة عدسة F/2.4 وهي مُخصصة للعزل، والأخيرة مستشعر QVGA
Infinix Hot 10 price
  • الكاميرا الخلفية تدعم فلاش LED رُباعي وHDR وPanorama وتصوير فيديوهات بجودة 1080p@30fps
  • الهاتف يدعم منفذ السماعات الـ3.5 مللي
  • الهاتف لا يدعم الـNFC، ونجد هذه الميزة في Honor 9A
  • الهاتف يدعم بصمة الإصبع في الظهر مع دعم الـFace Unlock
  • بطارية الهاتف تأتي من نوع ليثيوم بوليمر بحجم 5000 مللي امبير وهي لا تدعم الشحن السريع ويتم شحنها عن طريق منفذ الشحن القديم Micro USB 2.0
  • الوان الهاتف الأخضر والإسود والأحمر والرمادي

سعر موبايل سامسونج جلاكسي M51

  • تم تسعير هاتف Infinix Hot 10 للنسخة الـ64 جيجا مع 4 جيجا رام بسعر 2275 جنية مصري، والهاتف مُتاح للحجز المُسبق مع هدية سماعات رأس من انفينكس.

مراجعة سريعة للـ Infinix Hot 10 :-

Infinix Hot 10  سعر

الـInfinix Hot 10 بيقدم خامات معتادة في الفئة السعرية دي ولكن التصميم نفسو فيه طبقة لامعة والي بتخليه للاسف أكثر عرضة للخدش والأتربة وبالتالي انت اه أخدت تصميم جذاب بس أول كام يومين بس وبعدين هتلاقي التصميم بقا شكلو مش عاطفي خالص إلا لو حطيت جراب بقا، الشكل نفسو مقبول جدا سواء من خلف أو أمام الموبايل، بالنسبة للشاشة هي تقليدية جدا في الفئة السعرية دي وهي مش الأفضل طبعا في منافسين كتير زي الـ Redmi 9 الي بييجي بشاشة أفضل بكتير.

إطلاق Infinix Hot 10

أما بالنسبة للمعالج فالأداء الي هيفرهولك هنا ممتاز جدا، المعالج هو نفس المعالج المستخدم في الـ Infinix Note 7 وهو موبايل أغلى بكتير من من فئة الـ Hote 10 كمان، نلاقي منافس واحد تقريبا وهو الي بيتفوق في نقطة الأداء بشكل بسيط في المهام اليومية وهو الـ Redmi 9 هو أه المعالج أقوى ولكن مش أقوى في الألعاب تماما، فلو مش فارقة معايا الفرق البسيط في تجربة الإستخدام اليومية خليك مع الـ Infinix Hot 10.


تعرف من هنا على هاتف Samsung Galaxy M51 خليفة سلسلة الـ A


وبالنسبة للبطارية فهي كبيرة ولكنها مش بتدعم الشحن السريع، أخيرا بالنسبة للكاميرات أنا سايبها شوية لمقالة المراجعة عشان نقدر نتكلم عليها بشكل أفضل ولكن هي كأرقام ومواصفات على الورق مقبولة جدا والمستشعر المستخدم في الكاميرا الأساسية هو مستشعر جديد يعتبر والمستخدم قبل كده في الـ Realme 7 Pro والـ Poco X3 NFC الي اتكلمنا عنو قبل كده.


فيديو الإعلان عن موبايل Infinix Hot 10

https://www.youtube.com/watch?v=BV1nGw7TNWI

قريب جدا هيكون فيه مراجعة كاملة للموبايل على موقع وصفحة Mixils

شاركنا برأيك بالتعليقات ولا تنسى متابعة صفحة ميكسلز للحصول على أحدث الأخبار عن الهواتف الجديدة .