خلال اليومين السابقين أعلنت شركة Apple في آخر مؤتمر ليها عن عدة أجهزة جديدة في سلسلتين من الأجهزة المشهورة بيها أبل وهما الـ Apple IPad Air و الـ Apple IPad 8th generation في سلسلة الـ IPad، وفي سلسلة الساعات هنشوف Apple Watch Series 6 ولأول مرة هنشوف الـ Apple Watch SE !
كشفت أبل في المؤتمر عن أول معالجات بمعمارية تصنيع 5 نانومتر الي المفروض يحسن من تجربة الأداء في الاجهزة الجديدة خصوصا الـ IPad Series، وهنا بنشوف إن أبل بتحاول توصل أجهزتها المحمولة لمراحل فائقة جدا والي تخليها في يوم من الأيام تنافس تجميات الـ Pc او اللابتوب بل وتخليك تستغني عنهم بسبب توفير أبل لمنتجات زي الكيبورد الذكي بتاعها وتعزيز أجزتها لبرامج كتيرة جدا من Adobe وغيرها.
سعر ومواصفات Apple IPad Air :-
خلونا في البداية نتفق إن الـ IPad Air الجديد بيقدم تصميم مشابه جدا جدا لتصميم الـ IPad Pro السابق، وكمان بيقدم معالج أبل الجديد والقوي والمميز جدا في فئة الأيباد السعرية، الأيباد بيقدم الـ Apple Touch ID المدمج في زرار الباور، هنلاقي هنا نقطة قوية جدا في الـ IPad Air عن الـ IPad Pro الحالي زي المعالج الي يعتبر أقوى مقابل تسعير أقل بحوالي $250 والي يعتبر فرق كبير جدا.
إعرف أكتر من خلال مراجعة شاملة موضحة تجربة إستخدام أحدث Apple IPad Pro
- أبعاد 247.6×178.5×6.1 مليمتر مع وزن 460 جرام
- خامات خارجية من الألومنيوم بالكامل .. الظهر والفريم
- دعم الـApple Pencil
- دعم الـMagnetic Keyboard
- شاشة Liquid Retina IPS LCD بحجم 10.9 بوصة بدقة 1640×2360 بيكسل جودتها FHD+ مع كثافة بيكسلات 264 بيكسل لكل بوصة
- الشاشة تأتي مُقاومة للخدش والزيوت
- معالج Apple A14 Bionic الجديد سُداسي النواة بمعمارية تصنيع 5 نانو ميتر
- نظام تشغيل iPadOS 14 الجديد
- مساحة تخزين 64 جيجا او 256 جيجا
- كاميرا خلفية واحدة بدقة 12 ميجا بيكسل بفتحة عدسة F/1.8 تدعم HDR وتصوير فيديوهات 2160p@60fps مع دعم للمثبت الإلكتروني
- كاميرا أمامية واحدة بدقة 7 ميجا بيكسل بفتحة عدسة F/2.0 تدعم HDR وتصوير فيديوهات بجودة 1080p@60fps
- دعم سماعات خارجية ستيريو
- لا يدعم منفذ السماعات الـ3.5 مللي
- بصمة الإصبع موجودة على زِر الباور في الأعلى
- الألوان الفضي والرمادي والذهبي والأخضر والأزرق
سعر Apple IPad Air 2021
- تم تسعير Apple iPad Air الجديد للنسخة الـ 64 جيجا WiFi فقط بسعر 600 دولار او حوالي 9500 جنية مصري
- نسخة دعم شبكات الإتصال و الـ Wifi بسعر 730 دولار أو حوالي 11550 جنية مصري
- النسخة الـ 256 جيجا WiFi فقط فتم تسعيرها بسعر 750 دولار او حوالي 11800 جنيه مصري
- النسخة الـ 256 جيجا التي تدعم شبكات الإتصال والـ Wifi تم تسعيرها بسعر 880 دولار او حوالي 13800 جنية مصري.
زي ما قولنا في البداية الآيباد الجديد يقدر يوصلك بشكل عام لتجربة أجهزة لابتوب محمولة بشكل مستريح جدا بل وتجربة مستقرة أكتر، لو عاوز تعرف أكتر عن تجربة إستخدام الـ Apple IPad كلابتوب تقدر تشوف مراجعة الـ Apple IPad Pro الكاملة الي توضحلك التجربة دي عامله ازاي وايه مميزاتها والحجات اللي ممكن تضايقك منها.
مواصفات Apple IPad 8th generation :-
الـ Apple IPad 8th generation ( أيباد الجيل الثامن ) بييجي بنفس التصميم بدون تغيير مع نفس حجم الشاشة ونفس الحواف الضخمة، وبيدعم الـ Apple Pencil و الـ Apple Magic Keyboard، التغيير الكبير هيبقا في المعالج الي هيكون A12 Bionic والي هيدي تجربة إستخدام مختلفة جدا ومميزة.
اما عن الأسعار فجاءت النسخة الـ32 جيجا بدعم الـWiFi بسعر 330 دولار او حوالي 5200 جنية مصري، اما النسخة الداعمة لشبكات الإتصال فتأتي بسعر 460 دولار او حوالي 7300 جنية مصري، والنسخة الـ128 جيجا جاءت بسعر 430 دولار او حوالي 6700 جنية للنسخة الـWiFi، اما النسخة الداعمة لشبكات الإتصال فتم تسعيرها بسعر 560 دولار او حوالي 8900 جنية مصري.
سعر ومواصفات Apple Watch Series 6 :-
أعلنت شركة أبل عن Apple Watch Series 6 الجديدة والتي جاءت بالعديد من التطورات عن الجيل الخامس، حيث جاءت مع معالج الـ S6 الجديد بأداء أسرع 20% عن السابق، كما جاءت مع دعم لمُستشعر قياس نسبة الأكسجين في الدم ونسبة سطوع أفضل من الجيل السابق بفرق كبير في وضع الـ Always On Display، وجاءت ايضًا بدعم للغة العربية، كما يُمكنك إستخدام الساعة كمفتاح ذكي لسيارتك التي تدعم الـ Digital Key.
تم تسعير Apple Watch Series 6 لنسخة الـ GPS بقطر 40 مليمتر بسعر 400 دولار او حوالي 6300 جنية، وقطر الـ 44 مليمتر بسعر 430 دولار او حوالي 6800 جنية مصري، أما عن نسخة دعم شبكة الإتصال مع الـGPS فجاءت الـ 40 مليمتر بسعر 500 دولار او حوالي 7900 جنية مصري، والـ 44 مليمتر بسعر 530 دولار او حوالي 6700 جنية مصري.
سعر ومواصفات Apple Watch SE :-
جاءت Apple Watch SE الجديدة ايضًا بنفس تصميم الجيل الخامس مع نفس مستشعر قياس معدل نبض القلب ونفس المعالج المُستخدم، لكن يتم إستخدام فيها نفس مستشعر الـ Gyroscope الموجود في الجيل السادس، وتعتبر هي نسخة أصغر من الجيل السابق وبسعر أرخص.
تم تسعيرها للنسخة العادية بسعر 280 دولار أو حوالي 4400 جنية مصري للـ 40 مليمتر وبسعر 310 دولار أو حوالي 4900 جنية للنسخة الـ 44 مليمتر، والنسخ بإضافة شبكات الإتصال يصبح السعر للـ 40 مليمتر 330 دولار او حوالي 5200 جنية مصري، اما النسخة الـ 44 مليمتر فتأتي بسعر 360 دولار او حوالي 5700 جنية مصري.
فيديو مؤتمر أبل سبتمبر 2020 :-
أجهزة iPhone 12 الجديدة هيتم الإعلان عنها في مؤتمر أكتوبر القادم
شاركنا برأيك في التعليقات ومتنساش تتابع صفحة ميكسلز عشان تعرف أحدث الأخبار عن الهواتف والأجهزة الجديدة .