طبعا كلنا يعتبر عرفنا شركة Huawei من سلسلة الـ Y الي كانت رخيصة جدا في السوق المصري وكانت في وقت من الأوقات المنافس الوحيد مع إنفنكس قبل زحمة ريلمي وشاومي، سلسلة الـ Y كان مشهور عنها إنها بتقدم مواصفات كويسة وبتعيض فترة كبيرة جدا بدون ظهور أي مشاكل في الإستخدام بشكل مفاجئ، النهاردة معانا خليفة كده لسلسلة الـ Y وهو Huawei Y9a الجديد.
مراجعة كاملة لهاتف Huawei Y9a :-
طبعا وزي العادة لازم قبل ما نعمل مراجعة للموبايل لازم نكون 100% جربناه بشكل كويس ولمدة كويسة من الزمن عشان نكون مطمنين واحنا بنوصفلكم التجربة بعيوبها أو مميزاتها، وخلال الموضوع ده هننقل لكم تجربتنا الكاملة ليه من حيث التصميم والشاشة والكاميرات والأداء والبطارية وأكيد رأينا النهائي مقارنة بسعره.
في البداية انا عارف إن أول سؤال عندك هو بخصوص خدمات جوجل، الموبايل ده بييجي بمواصفات جديدة جدا في فئة الـ Y وبالتالني هو من غير خدمات جوجل وهيكون الإعتماد الأساسي على خدمات هواوي الي شايفها مش هتقصر معاك نهائي، أو إنك كل الي عليك هتبتدي تحمل خدمات جوجل لو إنت مش هتقدر تستغنى عنها، وفي الاخر بيرجع الموضوع ليك هل هتضحي بالزحمة دي عشان تمسك حاجه محترمة من هواوي أو إنك ببساطة تشوف شركة تاني زي ريلمي مثلا.
التصميم :-
الموبايل مبدأيا بييجي بنفس تصميم الـ Mate 30 Pro، اه زي ما بقولك كده التصميم بتاع الموبايل المتوسط ده نفس تصميم أغلى موبايل هو هواوي حاليا، هواوي شايفة إنها تحط التصميم المميز بتاعها في موبايل ليها في فئة متوسطة يعتبر إنجاز، بالنسبة للخامات، الفريم لامع لدرجة إنك هتحس إنو من الألمونيوم، بس هو اصلا بلاسيتك مطلي بس طلاء محترم جدا، أما بالنسبة لخامات الظهر فالشركة بتقول إنها من الزجاج 100% بس انا شايف غير كده بصراحة.
الـ Material بتاعته تعتبر أفضل من البلاستيك أه من خبطته بتتعرف، بس الفكرة في نفس الوقت الخبطة مش خبطة زجاج صريح Premium نهائي ومع مقارنتي ليه مع موبيلات من الزجاج فعلا محستش إن فيه مقارنة اساسا، بعد البحث شوية إنو ممكن يكون Mix او دمج بين البلاسيتك والزجاج بحيث يكون التصميم نفسو من البلاسيتك بس حاططلك طبقة زجاج في الأخر كده بحيث تحسسك بإحساس فخم شوية وعلى أي حال التصميم كخامات مقبول جدا بالنسبالي كشخص بيستخدم موبيلات متوسطة اصلا.
مواصفات تصميم Huawei Y9a
- يأتي الهاتف بأبعاد 163.5×76.5×8.95 ملم
- وزن الموبايل حوالي 197 جرام
- خامات الظهر من الزجاج ( خليك من البلاستيك على الزجاج )
تصميم الكاميرا الخلفية موجود في دايرة بارزة شوية عن جسم الموبايل، الفلاش واخد مكان لوحدو على الشمال فوق لإن ملهوش مكان في الدايرة، كنت في الأول متقبل الشكل ده ومعجب بيه، بس على الطبيعة ولما إستخدمت الموبايل فترة إتعودت عليه جدا وتقبلت الفكرة مع إنها غريبة شوية وفضلتو كمان على تصاميم تانية أقل عصرية في الفئة الي بينافس فيها الموبايل.
الشاشة :-
الشاشة هنا بتييجي بحجم 6.3 بوصة من نوع IPS LCD بدقة FHD+ مواصفات عادية جدا لحد هنا، الشاشة مستغلة حجم كبير جدا من جسم الموبايل بحيث إنها أصلا شاشة كاملة بدون نوتش أو ثقب، طبعا مستخدمين الإسلايدر او الكاميرا المنبثقة عشان يخبو الكاميرا الأمامية زي الـ Y9s، الشاشة للاسف مش AMOLED وده شيء محبط جدا بالنسبة لسعر الموبايل والمنافسين الي معاه
وكمان هي مش بتيجي 90 هيرتز، الإعتماد هيكون على حجم الشاشة الكاملة الي صدقني هتنبر بيها لو أول مره ليك تجرب حاجه زي كده،كالعادة مفيش إعلان رسمي عن وجود طبقة حماية للشاشة، بس الموبايل عليه إسكرينة متركبة عليه بالفعل من المصنع، ألوان الشاشة وسطوعها ممتازين جدا بالنسبة لشاشة IPS LCD.
مواصفات شاشة Huawei Y9a
- الشاشة تأتي بالشكل الكامل بدون نوتش أو ثقب ( مع سلايدر للسيلفي ) وتطلق عليها هواوي مسمى الـ FullView
- تأتي من نوع IPS LCD بمساحة 6.63 إنش مع جودة الـ FHD+ بدقة 1080×2400 بكسل
- تدعم الشاشة أبعاد العرض بنسبة 20:9 لعرض محتوى أكبر على شاشة الهاتف سواء في مشاهدة الفيديوهات أو لعب الألعاب
- تدعم الشاشة لوضع الـ Dark Mode لتحويل الهاتف بالكامل إلى اللون الأسود .
مش هتحس بأي تقصير في أداء الشاشة ولا ألوانها تحت الشمس وهتديك تجربة مريحة الى حد كبير، ولكن إنت هنا تسأل نفسك هل تستغنى عن الشاشة الـ AMOLED بتشبع الألوان الرهيب الأعلى وكمان هل هتقدر تستغنى عن شاشة 90 هرتز عشان تحصل على شاشة كاملة بس ؟ الموضوع هنا بيرجع ليك.
العتاد والأداء :-
إتفاقية هواوي مع ميدياتك علشان تاخد منها معالجات بسبب الحظر الأمريكي إتنفذت بسرعة، الموبايل ده جاي بمعالج ميدياتيك Helio G80 بتكنولوجيا 12 نانو والموبايل بيحقق Score قليل على Antutu بالنسبه لسعر الموبايل، أيوة ده نفس المعالج الموجود في Redmi 9 الأرخص منه، ولكن خلينا نتكلم شوية عن الأداء الفعلي للمعالج وواجهة التشغيل ممكن تعمل إيه، وخلي بالك إن واجهة هواوي المُتطورة اللي بدون خدمات جوجل بقت ثابته كده وسريعة جدًا .. وممكن تتأكد من ده بإنك تسأل أي حد معاه Huawei Nova 7i.
إختبارات الأداء :-
طبقا لموقع وتطبيق Antutu Benchmark الشهير والـ بيقيس الأداء بدقة الـ Huawei Y9a حقق 199029 في إختبار الأداء ، للاسف الرقم ده يعتر قليل حبتين بالنسبة لإن فيه موبايلات رخيصة زي الـ Redmi 9 محققة أرقام اكتر وده الي انا قولتو في البداية ولكن إتضح غير كده بعد التجربة الفعلية للموبايل.
مواصفات أداء Huawei Y9a
- أما عن الأداء فالهاتف يأتي بمعالج ميديا تيك من نوع Helio G80 بتكنولوجيا الـ 12 نانو
- معالج رسومي من نوع Mali-G52 MC2 فهو نفس معالج الـ Realme 6i والـ Xiaomi Redmi 9 .
- يتوفر الهاتف بذاكرة صلبة بسعة 128 جيجا بايت مع ذاكرة عشوائية بسعة 8 جيجا بايت .
بعيدا عن الأرقام وفي الاستخدام الواقعي الموبايل بيقدم تجربة ممتازة في الفئة السعرية دي و متوقعتش يكون ممتاز الأداء الرسومي في نقطة الالعاب زي PUPG Mobile الي قدر يشغلها بجرافيك HD مع 65 فريم في الثانية ، و جربنا كمان لعبة Call Of Duty والموبايل حقق أداء متوسط مع جرافيك Medium وكان فيه سخونة من المعالج بعد فترة متوسطة من التجربة .
اللي لاحظته إن الموبايل ده مش بيسخن، أو يمكن يكون ديه أقل سخونيه واجهتها من الـHelio G80 في الموبايل ده، لو إنت من الناس اللي بتقلق من سخونة الموبايلات، فـ متقلقش من الموبايل ده، ولكن ركز في كلامي ، ده مش معناه إن أداء الـ Y9a هو الأفضل بسعره، أداء الـY9a مرضي في الإستخدام اليومي ومش هيحسسك بأي عجز او تقصير أو تهنيج، ولكنه مش بيقدم أفضل معالج في فئته السعريه، وهواوي نفسها عندها Nova 7i بمعالج أحسن كتير بنفس السعر تقريبًا.
الكاميرا الخلفية :-
قبل ما نروح للتجربة الفعلية للكاميرا خلوني اتكلم شوية عن شوية حجات لازم اعلق عليها في موبايل بسعر أكتر من 4000 جنيه :-
- ديه أول مرة أشوف موبايل بالسعر ده مفهوش Night Mode في الكاميرا الخلفية
- سوفت وير الكاميرات كله مش مظبوط وفقير جدًا ومحتاج تظبيط كتير ده مينفعش سوفت وير كاميرا موبايل بالسعر ده وأعتقد لازمله تحديث ضروري بسرعه
- الـ HDR مش قد كده وحتى مع تشغيل وضع الـHDR الخاص في سوفت الكاميرا برده الصور مش بتبقى قد كدا
- التفاصيل ممكن تكون كويسة، ولكن معالجة الألوان الفقيرة خلت الصور مش حلوة إطلاقًا، حتى لون السماء معجبنيش في العدسة الـUltra Wide ولكن كم التفاصيل مازال مقبول
- العدسة الماكرو كويسة كتفاصيل وكالوان حقيقية، ده لو إنت هتستخدم الـMacro اصلًا
مواصفات كاميرات Huawei Y9a
- الكاميرا الأمامية تعمل عن طريق سلايدر وتأتي بدقة 16 ميجا بكسل بفتحة عدسة F/2.2
- الكاميرا الخلفية تأتي بارزة قليلاً عن ظهر الهاتف وتأتي بكاميرا رباعية
- تأتي الكاميرا الأولى بدقة 64 ميجا بكسل بفتحة عدسة F/1.8
- الكاميرا الثانية فتأتي بدقة 8 ميجا بكسل بفتحة عدسة F/2.4 وهي الخاصة بالتصوير الواسع
- الكاميرا الثالثة فتأتي بدقة 2 ميجا بكسل بفتحة عدسة F/2.4 وهي الخاصة بعمل الماكرو
- الكاميرا الرابعة فتأتي بدقة 2 ميجا بكسل بفتحة عدسة F/2.4 وهي الخاصة بعمل العزل والبورتريه بالإضافة إلى فلاش رباعي من نوع ليد فلاش
كاميرا السيلفي ( الأمامية ) :-
بالنسبة للسيلفي، فهو نفس سيلفي الـ Y9s واللي رأيي عنه متغيرش اصلًا، بيطلعلك صور كويسة لو إنت بتتصور في إضاءة مناسبة، ولكن في الإضاءات الداخلية الضعيفة التفاصيل بتقل كتير والصور بتبقى سايحة كده ولون البشرة بيبقى مش مظبوط، وبالمناسبة أنا ملاقيتش بورترية في الكاميرا السيلفي، شالوه ليه مش عارف، وطبعا لما الإضاءة بتقل كتير، التفاصيل بتقل أكتر وأكتر والصور بتبقى مش حلوة خالص.
بالنسبة بقى لتصوير الفيديوهات فالموبايل بيستخدم معالج الـG80 ومعنى كده إن الموبايل أخرة في تصوير الفيديوهات جودة 1080p بس لإن المعالج ده مش بيدعم تصوير فيديوهات بجودة أعلى من كده، الموبايل فيه مُثبت إلكتروني وكمان فيه مايكروفون اضافي لعزل الضوضاء.
الأمان وعناصر أخرى :-
بصمة جانبية مُدمجه بزر الباور خلاص التريند المعروف، والبصمة كالعادة صاروخية، ومفيش هنا Face Unlock علشان يحافظوا على عُمر Slider الكاميرا السيلفي، الموبايل جاي زي ما قولتلك بواجهة هواوي المبنية على Android 10 ولكن بدون خدمات جوجل، الإعتماد على خدمات هواوي والـ App Gallery علشان تحمل تطبيقاتك.
لو إنت ملقتش التطبيق اللي إنت عاوزه على الـ App Gallery فا ممكن تفتح الـ Petal Search وتبحث على التطبيق اللي إنت عاوزه وهتقدر تحمله بسهوله من خلاله، هو يعتبر بديل البحث في جوجل مش أكتر، بس برده لازم أكد عليك، لازم تبقى مُتقبل فكرة غياب خدمات جوجل وغياب البرامج المُرتبطة بالحزمة الأمنية لجوجل لإنك مش هتقدر تسطبها على أي موبايل بدون خدمات جوجل بشكل رسمي.
إعرف أكتر عن قاتل الفلاجشيب الجديد Xiaomi Poco X3 NFC
صوت الموبايل متوسط، مش أعلى صوت في الفئة السعريه ديه، صوت سماعة المكالمات عالي ومُمتاز وفي مايكروفون إضافي لعزل الضوضاء في المُكالمات، وللأسف مفيش تسجيل مكالمات برده، وبالنسبة لقوة الشبكات والـWiFi، فا معروف عن هواوي إن شبكاتها مُمتازه والموبايل ده مواجهتش معاه مشكلة في الشبكة.
البطارية :-
صوت الموبايل متوسط، مش أعلى صوت في الفئة السعريه ديه، صوت سماعة المكالمات عالي ومُمتاز وفي مايكروفون إضافي لعزل الضوضاء في المُكالمات، وللأسف مفيش تسجيل مكالمات برده، أما بالنسبة للشحن فنفس شاحن الـNova 7i موجود هنا بقوة 40 واط بيشحنلك 70% من البطارية في نص ساعة بس، هواوي بقت مُميزة أوي في قوة الشحن في الفئة المتوسطة.
الرأي النهائي :-
أهم المميزات :-
- تصميم شيك مُختلف
- تقفيل محترم وخامات خارجية مضمونة
- شاشة كبيرة بدون نوتش او ثُقب وسطوعها مُحترم
- بطارية كويسة وشحن سريع جدًا
أهم العيوب :-
- الكاميرات مش أفضل حاجه سواء أمامية او خلفية
- صوت مش عالي
- شاشة عادية جدًا مفيهاش أي ميزة
- معالج ضعيف في الفئة السعرية دي
في النهاية أنا شايف إن هواوي كانت محتاجه تميز الموبايل ده شوية علشان موضوع غياب خدمات جوجل، بحاجات زيادة أكتر سواء معالج أقوى او شاشة بتردد أعلى او صوت Stereo مثلًا، علشان تخليه منافس أكتر خصوصًا بعد التسعير بتاعه اللي أكيد حطه في منافسه مباشره مع موبايلات تانيه بمواصفات أقوى.
فتح صندوق الـ Huawei Y9a
- هاتف Huawei Y9a
- إسكرينة تم وضعها بشكل مسبق على شاشة الهاتف
- جراب ظهر شفاف لحماية الهاتف
- دبوس معدني
- كتيب التعليمات يوضح كيفية إستخدام الهاتف
- سلك USB من نوع Type C
- راس الشاحن بقوة 40 واط – سماعات الاذن
ألوان الموبايل المتوفرة
- اللون الأسود
- اللون الفضي
- اللون الوردي
اسعار هاتف Huawei Y9a
السعر العالمي للـ Huawei Y9a بالنسبة للنسخة الـ 128 جيجا تخزين مع 8 رام هو $230 ، ولكن بالطبع السعر يكون في الدول العربية ومصر اغلى قليلا من السعر العالمي .
| الدولة | النسخة – السعر |
|---|---|
| سعر هاتف Huawei Y9a في مصر | 128/8 – 4700 جنيه مصري |
| سعر هاتف Huawei Y9a في السعودية | 128/8 – 1100 ريال سعودي |
| سعر هاتف Huawei Y9a في الإمارات | 128/8 – 1000 درهم إماراتي |
| سعر هاتف Huawei Y9a في الكويت | 128/8 – 90 دينار كويتي |
| سعر هاتف Huawei Y9a في البحرين | 128/8 – 112 دينار بحريني |
| سعر هاتف Huawei Y9a في فلسطين | 128/8 – 1026 شيكل فلسطيني |
| سعر هاتف Huawei Y9a في الأردن | 128/8 – 210 دينار أردني |
| سعر هاتف Huawei Y9a في عمان | 128/8 – 115 ريال عماني |
| سعر هاتف Huawei Y9aفي المغرب | 128/8 – 2800 درهم مغربي |
فيديو إطلاق هاتف Huawei Y9a
لو عجبتك المراجعة ياريت تشاركنا برأيك فيها في الكومنتات وأكيد لو استفدت منها شيرها لإصحابك عشان نستفاد مع بعض D:
لا تنسى متابعة صفحة ميكسلز للحصول على أحدث الأخبار عن الهواتف الجديدة .