- الإعلانات -

تسريبات عن هاتف Realme C12 | هاتف إقتصادي آخر ولكن ؟

- الإعلانات -

خلال الأيام السابقة سمعنا إسم جديد من ريلمي وهو الـ Realme C12 ، رسميا سيكون هاتف إقتصادي جديد، ومن خلال المواصفات المسربة فهي قريبة جدا من هاتف C15 الذي تم إطلاقة من قبل ولكن لم ينزل بالسوق العربي، كلا الهاتفين الريلمي السي 12 و الـ C15 تتشابه بشكل كبير مع الـ Realme C11 الي تم إطلاقة من فترة بسيطة في السوق المصري.

سعر هاتف Realme C12 - ميكسيلز

الفروقات بسيطة بين الريلمي C3i والريلمي C11، لكن هل هيكون الريلمي سي 12 بفروقات بسيطة عن اخوه الاصغر الـ C11 ؟ ده الي هنعرفو من خلال المواصفات المسربة والي بنسبة 99% مؤكدة هتكون في الموبايل وزي ما متعودين هنعمل مراجعة سريعة للموبايل على كل حاجه اساسية فيه وخلونا نبدأ بمواصفات Realme C12.

مواصفات هاتف Realme C11 :-

  • وزن الهاتف 209 جرام وده وزن تقيل جدا ولكن نظرا لأن البطارية كبيرة جدا كمان .
  • أبعاد الهاتف هي ( 164.5×75.9×9.8 مم )
  • تصميم خارجي من البلاستيك اللامع أو البولي كاربونيت وده شيء غير مميز بالفئة الإقتصادية الحالية
  • الهاتف يدعم لتركيب شريحتين إتصال 4G مع كارت ميموري بحجم 256 جيجا في منفذ مخصص له
  • شاشة الهاتف من نوع IPS LCD بحجم 6.5 بوصة بدقة 720×1560 بيكسل وبجودة HD+ ودقة الشاشة هنا نفس دقة شاشة الريلمي C11
  • كثافة البيكسلات 270 بيكسل لكل بوصة وابعاد عرض 20:9 والسيلفي موجود في نوتش في الأعلى
  • لهاتف بيأتي مع معالج ميدياتك Helio G35 ثماني النواة، الأنوية من نوع Cortex A53 بتردد 2.3 جيجا هيرتز وبدقة تصنيع 12 نانو ميتر وهنا فيه قفزة في العتاد من ناحية المعالج ويعتبر إختلاف ملحوظ عن الريلمي C3i
  • معالج الـ Realme C12 الرسومي هو PowerVR GE8320
مواصفات هاتف Realme C12 - ميكسيلز
  • مساحة التخزين 32 جيجا مع 3 جيجا رام والذاكرة من نوع eMMC 5.1 ومفيش أي خبر عن وجود نسخة 64 جيجا مع 4 رام ولكن بنسبة 90% هتتوفر
  • الهاتف مدعم باندرويد 10 بواجهة Realme UI
  • كاميرا الهاتف الأمامية واحدة بدقة 5 ميجا بيكسل تدعم HDR وPanorama وتصوير فيديوهات بجودة [email protected]
  • الكاميرا الخلفية ثُلاثية، الأولى بدقة 13 ميجا بيكسل بفتحة عدسة F/2.2
  • الكامير الثانية بدقة 2 ميجا بيكسل بفتحة عدسة F/2.4 وهي Black & White
  • الثالثة بدقة 2 ميجا بيكسل بفتحة عدسة F/2.4 وهي مُخصصة للعزل
  • الكاميرا الخلفية تدعم فلاش LED وتدعم HDR وPanorama والذكاء الإصطناعي وتصوير فيديوهات بجودة [email protected]
شاشة ريلمي C12 - ميسكيلز
  • الهاتف يدعم منفذ السماعات الخارجية الـ3.5 مللي
  • بصمة الإصبع في الهاتف موجودة في الضهر وهنا بنشوف تطوير ممتاز في الفئة الإقتصادية من ريلمي في توفير بصمة إصبع وكمان تقدر تستخدم ميزة ريلمي الأخرى للحماية الـ Face Unlock
  • بطارية الهاتف كبيرة جدا تأتي بحجم 6000 مللي امبير تدعم الشحن بقوة 10 وات عن طريق منفذ Micro USB 2.0
  • الوان الهاتف الأحمر والأزرق

مراجعة سريعة للـ Realme C12 :-

- الإعلانات -

الموبايل بيقدم خامات خارجية من البلاستيك اللامع أو البولي كاربونيت وزي ما ذكرت هي خامات معتادة جدا في الفئة السعرية الإقتصادية الي بينافس فيها الـ Realme c12، التصميم كشكل هو مميز جدا وترتيب عدسات الكاميرات مختلف وغير معتاد ( رصة الكاميرات الخلفية )، على عكس الريلمي إكس3 سوبر زوم الي كان تصميمو نسخ ولصق من الريلمي 6 برو او الريلمي C3i او الـ C3.

الشاشة دقتها وجودتها مقبولين جدا خصوصا إن فيه موبيلات بسعر أغلى وبتقدم نفس نوع النوع الشاشة وبجودة ممكن أقل كمان ودي نقطة إيجابية في الموبايل عكس الريلمي X3 الي كانت الشاشة فيه نقطة سلبية فظيعة، الشاشة كتجربة أو كإستخدام كويسة جدا كتجربة أولية، في النهاية الشاشة معتادة في الفئة الإقتصادية ومش هنقدر نقول عليها تعلق سواء إيجابي أو سلبي.

بطارية هاتف Realme C12 - ميكسيلز

الأداء كأرقام على الورق مقبول جدا هو اه متواضع وليس الأفضل ولكن احنا بنتكلم عن موبايل إقتصادي جدا، ولو عاوز تاخد أداء كويس شوية فهتزود مبلغ بسيط وتوصل للـ Realme C3 او الريلمي C3i الي بيقدم معالج أفضل نسبيا، الـ 64 جيجا مع 4 جيجا في الريلمي C3 هتقدملك تجربة افضل طبعا.

بالنسبة للبطارية فالموبايل بيقدم بطارية ضخمة جدا وتعتبر الأضخم في الفئة السعرية الي بينافس فيها، لكن للاسف وده شيء متوقع مش بتدعم الشحن السريع والمنفذ مش Type-c إنما USB عادي للاسف ولكن زي ما قولت ده شيء متوقع جدا، بالنسبة للكاميرات في كأرقام على الورق متواضعة جدا وبتقدم وظائفها بشكل عادي ولو هتشتري الريلمي C12 عشان الكاميرات منصحكش تماما.


سعر هاتف Realme C12 وموعد الإطلاق :-

سعر هاتف Realme C12 - ميكسيلز

تم تسعير هاتف Realme C12 في الخارج رسميًا للنسخة الـ32 جيجا مع 3 جيجا رام بسعر 128 دولار او حوالي 2050 جنية مصري، والهاتف يتوفر في الخارج للبيع يوم 20 أغسطس القادم.

الهاتف بتسعير الـ2000 جنية مصري فهو يُنافس هواتف اقوى منه مثل Realme C3i، كما نجد هاتف Realme C11 الجديد بنفس متوسط التسعير، ونجد هواتف اخرى ايضًا مثل Redmi 9 بفرق سعر بسيط وبفرق مواصفات ضخم، كما ان ريلمي لديها Realme C15 في نفس الفئة السعرية ايضًا.

إعرف ليه الريدمي 9 يعتبر أفضل موبايل إقتصادي من هنا !

الموبايل هيكون في مصر بتسعير الـ 2000 جنيه هيكون منافس لهواتف المفروض إنها أقوى منو ولو بشيء طفيف مثل Redmi 9 هيكون فيه فرق بسيط في السعر ولكن هيكون فيه فرق كبير في المواصفات لو أخدنا الريدمي 9 كمثال، كمان فيه بالفعل منافسين للموبايل من ريلمي نفسها زي الـ Realme C3i والريلمي C11 الي اتكلمنا عنو قبل كده .


في حالة نزول الهاتف في مصر هيكون فيه مُراجعة كاملة للـ Realme C11 قريبًا !

شاركنا برأيك بالتعليقات ولا تنسى متابعة صفحة ميكسلز للحصول على أحدث الأخبار عن الهواتف الجديدة .

قد يعجبك أيضا...
Comments
جار التحميل...