- الإعلانات -

تسريبات عن هاتف Realme 7i | هاتف متوسط بشاشة 90 هرتز !

- الإعلانات -

شركة ريلمي من يومين تحديدا كشفت عن موبايل جديد في سلسلة الـ I وهو اكيد الريلمي 7i الجديد، خلونا بس نكون متفقين ان سلسلة الـ I مش زي الاول من حيث التسعير، كان في البداية تعتبر سلسلة إقتصادية مع سلسلة الـ C ولكن بعد اسعار ريلمي الجديدة في السلسلة الأساسية زي الريلمي 7 و الـ 7 برو الي كانو المفروض يكونو في الفئة المتوسطة، ولكن للاسف الموبايلين هيكونو في الفئة المتوسطة العليا زي سلسلة الـ 6 السنادي.

على أي حال الـ Realme 7i من الموبيلات المنتظرة جدا بشدة لتواجد الـ Realme 6i في السوق العربي والمصري تحديدا كمنافس للفئة المتوسطة بعد أسعار السلسلة الأساسية الجديدة، لكن المرادي حتى بعد تسعير الريلمي 7i الجديد وكونو اغلى من اخر موبايل في سلسلة الـ i يستحق سعرو بجدارة بسبب المواصفات الي بيقدمها والتطورات الملحوظة عن الجيل السابق.

سعر ومواصفات Realme 7i :-

  • وزن الهاتف 188 جرام
  • أبعاد الهاتف هي 164.1×75.5×8.9 مم
  • خامات الهاتف الخارجية من البلاستيك البولي كاربونيت
  • دعم تركيب شريحتين إتصال 4G مع كارت ميموري في منفذ مخصص له
  • شاشة الهاتف IPS LCD بحجم 6.5 بوصة بدقة 720×1600 بيكسل وبجودة HD+
  • كثافة بيكسلات 270 بيكسل لكل بوصة
  • أبعاد عرض 20:9 ومعدل تحديث 90 هيرتز
  • الشاشة كاملة والسيلفي في ثُقب في أعلى اليسار
Realme 7i
  • معالج كوالكوم سناب دراجون 662 الجديد ثماني النواة، الأربعة الأقوى Kryo 260 Gold بقوة 2.0 جيجا هيرتز
  • المعالج الرسومي هو Adreno 610
  • مساحة تخزين 128 جيجا مع 8 جيجا رام والذاكرة من نوع UFS 2.1
  • واجهة Realme UI المبنية على اندرويد 10
  • كاميرا سيلفي واحدة بدقة 16 ميجا بيكسل بفتحة عدسة F/2.1 تدعم HDR وتصوير فيديوهات بجودة [email protected] مع دعم للمثبت الإلكتروني
  • كاميرا خلفية رُباعية، الأولى 64 ميجا بيكسل بفتحة عدسة F/1.8
  • الثانية بدقة 8 ميجا بيكسل بفتحة عدسة F/2.3 وهي Ultra Wide للتصوير العريض
  • الثالثة بدقة 2 ميجا بيكسل بفتحة عدسة F/2.4 وهي ماكرو
  • الأخيرة بدقة 2 ميجا بيكسل بفتحة عدسة F/2.4 وهي مُخصصة للعزل
Realme 7i specs
  • الكاميرات تدعم فلاش LED وتدعم HDR وPanorama كما تدعم تصوير فيديوهات بجودة [email protected] مع دعم للمثبت الإلكتروني
  • الهاتف يدعم منفذ السماعات الـ3.5 مللي
  • بصمة الإصبع موجودة في الظهر مع دعم الـFace Unlock
  • بطارية من نوع ليثيوم بوليمر بحجم 5000 مللي امبير
  • الهاتف يدعم الشحن السريع بقوة 18 وات عن طريق منفذ الشحن الـUSB Type C
  • الوان الهاتف الأخضر والأزرق

سعر موبايل Realme 7i

Realme 7i price

تم تسعير هاتف Realme 7i الجديد في الخارج للنسخة الـ128 جيجا مع 8 جيجا رام بسعر 180 يورو او 215 دولار او حوالي 3400 جنية مصري، وسيتوفر الهاتف للبيع في اندونيسيا يوم 20 سبتمبر القادم.


- الإعلانات -

مراجعة سريعة للـ Realme 7i :-

سعر Realme 7i

الموبايل بالنسبة للتصميم من ناحية الخامات فهو بيقدم خامات معتادة شوية زي الـ Realmi 6i وده شيء متوقع يعني، ولكن لقينا تحسين كبير جدا في هوية التصميم للموبايل بفروفات بسيطة عن الـ 6i، بالنسبة للشاشة محصلش فيها تطوير كبير لأنها نفس النوع ونفس الحجم تقريبا لكن الشاشة المرادي بتدعم معدل تحديث بيوصل لـ 90 هيرتز وده الي كان في الـ Realme 6 الي هو المفروض اغلى من الـ Realme 7i بفرق 1000 جنيه تقريبا.

من هنا تتقدر تتعرف على تسريبات موبايل Realme C12 الموبايل الإقتصادي القادم

بالنسبة للأداء فمش هنتكلم كتير إحنا عارفين قد إيه تجربة موبايلات ريلمي سلسلة جدا حتى في الفئات القليلة جدا، المعالج الموجود هنا معالج جديد من كوالكوم لأول مرة نشوفو، المعالج أداءه بيقع بين الـ SnapDragon 660 و الـ SnapDragon 665 وتقدر تعرف من هنا أكتر عن الـ SnapDragon 622 ،الموبايل بالنسبة للمواصفات على الورق هيقدم تجربة أداء ممتازة زي الـ Realme 6i او أفضل بفرق بسيط ولكن مش هيكون أفضل في الألعاب عشان المعالج مش مخصص للألعاب أوي.

مواصفات Realme 7i

أغلب الهواتف عموما في 2020 مقدمتش شيء او طفرة في الأداء لأننا فعلا وصلنا لمرحلة منافسة جدا وفيه موبيلات بتوصلك لمرحلة إنك مش بتلحق تشوف الإنيمشن من سرعتو، ودي المشكلة في جميع الفئات السعرية مش المتوسطة بس، اما عن البطارية فهي نفس البطارية السابقة بنفس قوة الشحن بدون تغيير، وبالنسبة للكاميرات فتحسنت كأرقام لكن مش عارفين نوع المستشعر المُستخدم في الكاميرا الخلفية الأساسية، كما ان وظائفها كما هي بدون تغيير، والعدسة السيلفي ايضًا كما هي.


فيديو الكشف عن موبايل Realme 7i


عند نزول الهاتف في مصر هيكون فيه مُراجعة كاملة للـ Realme 7i قريبًا !

شاركنا برأيك بالتعليقات ولا تنسى متابعة صفحة ميكسلز للحصول على أحدث الأخبار عن الهواتف الجديدة .
قد يعجبك أيضا...
Comments
جار التحميل...