خلال يومين سابقين تحديدا شركة ” ريلمي ” أطلقت في آخر مؤتمر ليها في مصر عدة أجهزة وسماعات وباند جديدة من ريلمي ، خلال المؤتمر ريلمي أطلقت عن موبايلها الجديد ” Realme C11 ” كأرخص موبايل ليها في السوق المصري والمنتظر بشكل كبير في الفترة الأخيرة خصوصا إن كان فيه ركود من الشركة في الإطلاق في السوق المصري خصوصا بالفئة الإقتصادية بسبب مشاكل كوفيد-19 .
أطلقت ريلمي في المؤتمر الباند الرياضي ” Realme Band ” كأول اكسسوار ليها في السوق المصري، كما تم إطلاق سماعات ” Realme Buds Air Neo ” كأول ايربودز او سماعات لاسلكية ليها في السوق المصري، وكمان موبايلها الغالي جدا الـ Realme X3 SuperZoom الي اتكلمنا عنو قبل كده ومراجعتو نازله قريب جدا، خلال الموضوع هنغطي مواصفات الريلمي C11 وكمان الريلمي باند والريلمي بادز إير نيو، وخلونا نبدأ بمواصفات ومراجعة سريعة لموبايل ريلمي الإقتصادي Realme C11 .
مواصفات هاتف Realme C11 :-
- ابعاد الهاتف (164.4×75.9×9.1 مم)
- وزن الهاتف تقريبا 196 جرام وده وزن مناسب جدا في الفئة السعرية دي
- تصميم من البلاستيك البولي كاربونيت وده شيء متوقع
- الهاتف بيدعم لتركيب شريحتين إتصال 4G مع كارت ميموري بحجم 256 جيجا في منفذ مخصص له
- شاشة الموبايل من نوع IPS LCD بحجم 6.5 بوصة بدقة 720×1560 بيكسل وبجودة HD+ مع كثافة بيكسلات 270 بيكسل لكل بوصة وابعاد عرض 20:9 والسيلفي موجود في نوتش في أعلى الشاشة
- معالج الهاتف ميدياتك Helio G35 بثمانية أنوية من نوع Cortex A53 بتردد 2.3 جيجا هيرتز ودقة التصنيع هي 12 نانو ميتر
- المعالج الرسومي هو PowerVR GE8320 وده معالج ضعيف نسبيا
- الهاتف يأتي مع اندرويد 10.0 مع واجهة Realme UI
- مساحة تخزين 32 جيجا مع 2 جيجا رام او 3 جيجا رام والذاكرة نوعها eMMC 5.1
- كاميرا سيلفي واحدة بدقة 5 ميجا بيكسل بفتحة عدسة F/2.4 وهي تدعم HDR وPanorama وتصوير فيديوهات بجودة 1080p@30fps
- كاميرا خلفية مُزدوجة، الأولى 13 ميجا بيكسل بفتحة عدسة F/2.2 والثانية بدقة 2 ميجا بيكسل بفتحة عدسة F/2.4 وهي مُخصصة للعزل
- الكاميرات تدعم فلاش LED وHDR وPanorama وتصوير فيديوهات بجودة 1080p@30fpsالهاتف يدعم منفذ السماعات الـ3.5 مللي
- الهاتف لا يدعم بصمة الإصبع
- الهاتف يدعم الفتح عن طريق الوجه او الـFace Unlock
- بطارية ليثيوم بوليمر بحجم 5000 مللي امبير تدعم الشحن بقوة 10 وات عن طريق منفذ Micro USB 2.0
- الوان الهاتف الأخضر والرمادي
مراجعة سريعة للهاتف :-
الموبايل بيقدم خامات خارجية من البلاستيك اللامع أو البولي كاربونيت وزي ما ذكرت هي خامات معتادة جدا في الفئة السعرية الإقتصادية الي بينافس فيها الـ Realme c11، التصميم كشكل هو مميز جدا وترتيب عدسات الكاميرات مختلف وغير معتاد ( رصة الكاميرات الخلفية )، على عكس الريلمي إكس3 سوبر زوم الي كان تصميمو نسخ ولصق من الريلمي 6 برو.
الشاشة دقتها وجودتها مقبولين جدا خصوصا إن فيه موبيلات بسعر أغلى وبتقدم نفس نوع النوع الشاشة وبجودة ممكن أقل كمان ودي نقطة إيجابية في الموبايل عكس الريلمي X3 الي كانت الشاشة فيه نقطة سلبية فظيعة، الشاشة كتجربة أو كإستخدام كويسة جدا كتجربة أولية، وهنتكلم عنها بإستفاضة في المراجعة الكاملة.
الأداء لسا مختبرتوش أوي بصراحة ولكن كتجربة الأولية هو مقبول جدا هو اه متواضع وليس الأفضل ولكن احنا بنتكلم عن موبايل إقتصادي جدا، ولو عاوز تاخد أداء كويس شوية فهتزود مبلغ بسيط وتوصل للـ Realme C3i، الـ 32 جيجا مع 3 جيجا في الريلمي C3i هتقدملك تجربة افضل طبعا.
بالنسبة للبطارية فالموبايل بيقدم بطارية ضخمة جدا وتعتبر الأضخم في الفئة السعرية الي بينافس فيها، للاسف وده شيء متوقع مش بتدعم الشحن السريع والمنفذ مش Type-c لا USP عادي للاسف ولكن زي ما قولت ده شيء متوقع جدا، بالنسبة للكاميرات في كأرقام على الورق متواضعة جدا ولكن هنقدم قريب التجربة الفعلية ليها في التصوير في موضوع مراجعة قريب.
سعر الهاتف وموعد الإطلاق :-
سعر الهاتف عالميا $115 وتم تسعير هاتف Realme C11 بشكل رسمي للنسخة الأولى بمساحة تخزين 32 جيجا مع 2 جيجا رام بسعر 1990 جنية مصري، اما النسخة الثانية وهي الـ 32 جيجا مع 3 جيجا رام فتم تسعيرها بسعر 2290 جنية مصري ومتوفر إنك تشتري الموبايل أونلاين من خلال موقع سوق، وهيتوفر في المحلات والأسواق بداية من شهر سبتمبر.
تعرف معنا على هاتف Realme C3i الجديد
فيديو الإعلان عن هاتف Realme X3 Superzoom :-
الباند الرياضي Realme Band :-
الباند الرياضي الجديد من ريلمي بيقدم شاشة ملونة بقياس 0.96 بوصة مع دعم زِر لتشغيل الشاشة،تدعم الساعة عداد الخطوات وبرنامج قياس لنبضات القلب، الساعة مبرمجة حساب اوقام النوم وجودته، تدعم عرض إشعارات الموبايل بتاعك على الشاشة الشخصية، وتقدر تتحكم في كل ده عن طريق تطبيق Realme Link، سعر الباند 500 جنيه مصري وفيه Flash Sale على موقع سوق دوت كوم يوم 25 اغسطس بسعر 399 جنية مصري.
سماعات Realme Buds Air Neo :-
تأتي السماعة الجديدة من ريلمي بالتصميم التقليدي المعروف عن السماعات الـTWS، وتتميز السماعة بتجربة أكثر إستقرارًا في الإتصال بالهاتف مع إصدار البلوتوث 5.0، كما تتوفر مع وضع الألعاب الذي يُقلل وقت إستجابة السماعات للتمكن من إستخدامها في الألعاب.
تدعم السماعة مُساعد جوجل الصوتي لسهولة الإستخدام، وتدعم السماعة ايضًا عزل الضوضاء للحصول على تسجيل صوتي أكثر نقائًا كما تأتي وحدة الـBase في السماعة 13 مم للحصول على تجسيم أكبر، اما عن البطارية فهي تدوم 17 ساعة بدون توقف. تم تسعير realme Buds Air Neo بسعر 1099 جنية مصري وستتوفر مع Flash Sale على موقع سوق دوت كوم يوم 22 اغسطس الساعة 1 ظهرًا بسعر 899 جنية مصري فقط.
مُراجعة كاملة لهاتف Realme C11 قريبًا !
شاركنا برأيك بالتعليقات ولا تنسى متابعة صفحة ميكسلز للحصول على أحدث الأخبار عن الهواتف الجديدة .